ޅެން
ވަޤުފު ކުރި ހިތް
ސިހުމަކުން ނޭވާލަމުން ވިސްނާލިޔޭ
ރިހުމަކުން ހިތުގައިއަޅާ ތަދުނުފިލަޔޭ
ގަސްތުގައި ވޭނީޒަޙަމް ނުމެދޭނަމޭ
ފަސްދެމުން ދާހެން މަށަށް ހީކުރެވެޔޭ
ޔާރުދިން އަނިޔާތަކުން ހިތް ކަތިވުމުން
އާރަކުން ލޭ އޮހެރިދާ ހެން ހީވެޔޭ
އުދަވަމުންނާ އޮއްސެމުންދާ ތަރިތައްނަޔާ
އުދަރެހުން ބަބުޅާގޮތުން ހިތް ދަތިވިޔޭ
މަންޒަރުން ތަސްވީރުވާ އެކިކުލަތަކުން
މަންޒިލެއް ފެންނާނެހެން ކަށަވަރުވިޔޭ
ވަޤުފުކޮށް ދޭހިތް ތިބާ ފޮރުވާނަމޭ
ވަގުތަކަށް ހިތްލެބުނަކަސް އޮންނާނެޔޭ
