ފްލައިޓް ފާޚާނާގެ ދޮރުގައި ހުންނަ ނޯސްމޯކިންގ ނިޝާން ގެ ފަހަތުގައި ވަނީ ކޮން ސިއްރެއްކަން އިނގޭތަ؟

ފްލައިޓްގެ ފާޚާނާގެ ދޮރުގައި ހުންނަ ދުންފަތުގެ އިސްތިއުމާލު ނުކުރާ ކަމުގެ ނިޝާން ގެ ފަހަތުގައި ވާ ސިއްރު ފްލައިޓް އެޓެންޑެންޓަކު ހިއްސާކޮށްފިއެވެ.

ކެބިން ކްރޫއިން އެމީހުންގެ މަސައްކަތު ހަޔާތުގެ ބޮޑުބައެއް ހޭދަކުރަނީ މަތިންދާބޯޓުގައި ކަމަށްވާއިރު، ނަތީޖާއެއްގެ ގޮތުން ފަސިންޖަރުންނަށް ނޭނގި ނަމަވެސް އެމީހުންގެ ސްލީވްސް އަޕް ކުރުމުގައި ކޮންމެވެސް ވަރެއްގެ މަކަރާއި ހީލަތްތަކެއް ހަދާފައި އެބަހުއްޓެވެ. ފްލައިޓް ކްރޫއެއް ދާދި ފަހުން ވަނީ ބޯޓުގައި ހުރި ފާޚާނާގެ ދޮރުތަކާ ބެހޭ ސިއްރެއް ހާމަކޮށްފަ އެވެ.

“އެއާލައިންތަކުން ފަސިންޖަރުންނަށް އެނގެން ބޭނުން ނުވާ ސިއްރުތައް” އެކަމަށް ހާއްސަކޮށްފައިވާ ރެޑިޓް ފޯރަމަކަށް ފްލައިޓް ކްރޫންތަކެއް ޝެއާ ކުރި ޕޯސްޓް ތަކެއްގައިވަނީ ފާޚާނާގެ ދޮރުތަކާ ބެހޭ ގޮތުން ގިނަބަޔަކަށް ނޭންގޭ ހަގީގަތްތަކެއް ހާމަކޮށްދީފަ އެވެ.

ގިނަ ފަސިންޖަރުންނަށް އެނގިފައިވާ ގޮތުގައި ދޮރުމަތީގައި ދުންފަތުގެ އިސްތިއުމާލު ނުކުރާ ކަމުގެ ނިޝާނެއް ބެހެއްޓުމުގެ ބޭނުމަކީ ފްލައިޓާއި، ފާޚާނާގައި ދުންފަތުގެ އިސްތިއުމާލު ކުރުމުގެ އިތުރުން ގަވާއިދާ ހިލާފަށް ލައިޓް ދިއްލުން ނުވަތަ ގަދައަލި ބޭނުންކުރުން މަނާކުރުމެވެ. އެކަމަކު ފްލައިޓް އެޓެންޑެންޓުންނާއި އާންމުކޮށް ދަތުރުކުރާ މީހުން ބުނާ ގޮތުގައި، އެކަމުގައި އެހެން “ސިއްރެއްވެސް އެބައޮތެވެ.

ކެސްޕަރ042 ނަމަކަށް ކިޔާ ރެޑިޓް ގެ އެއް ޔޫސަރ އެއް ހާމަކުރި ގޮތުގައި އެއީ ބޯޓުގައި ސަލާމަތާއި ރައްކާތެރިކަމާ ގުޅުން ހުރި ކަމެއް ކަމަށެވެ.

އެތަނުން އެކަކު ލިޔެފައިވަނީ: “ފާޚާނާގެ ދޮރުގައިވާ ދުންފަތުގެ އިސްތިއުމާލު ނުކުރާ ކުޑަ ނިޝާނަކީ ހަމަ އަމިއްލައަށް ހުޅުވާލެވޭ ގޮތަށް އިންނަ ތަންކޮޅެއް ކަމަށާއި، ފާޚާނާގެ އެތެރޭގައި ހުންނައިރު ބޭރުން ދޮރު އަންލޮކް ކުރުމަށް ނުވަތަ ތަޅުލުމަށް މަގުފަހިކޮށްދޭ އެއްޗެއް ކަމަށެވެ.”

ބައެއް މަތިންދާބޯޓުތަކުގައި، މި ކުޑަކުޑަ ލަޗް، ރިހި “ލެވަޓަރީ” ނިޝާނުގެ ދަށުގައި އަންލޮކް ބަޓަންއެއް ހުރެދާނެއެވެ.

ދެވަނަ ފަޅުވެރިއަކު ބުންޏެވެ: “ފާޚާނާއަށް ވަންނަ މީހަކު ނުކުޅެދުންތެރިވެއްޖެ ހާލަތެއްގައި ބޭރުން ފާޚާނާ އަންލޮކް ކުރުމުގެ ގާބިލްކަން އަހަރެމެންނަށް ލިބިގެންވޭ.”

ދުންފަތުގެ އިސްތިއުމާލު ނުކުރާ ނުވަތަ ލެވަޓަރީ ސިގްނަލެއްގެ އަޑީގައިވާ ތަންކޮޅުގެ އެހީގައި ފާޚާނާގެ ލޮކް ދޫކޮށްލެވޭނެ އެވެ.

ދެން އޭގެ މާނައަކީ ބޭރުން ދޮރު ހުޅުވޭނެއޭ.

ފަސިންޖަރުންނަށް މި ލޮކް ބޭނުން ކުރުމުގެ ހުއްދަ ނެތް އިރު، އޭގެ ބަދަލުގައި ލަޗް ހުންނަނީ ހަމައެކަނި އިމަޖެންސީ ހާލަތްތަކަށް އެކަންޏެވެ.

ފްލައިޓް ކްރޫއަށް އެންމެ ބޮޑަށް އެފަދަ އަންލޮކް ބަޓަނެއް ބޭނުންވަނީ ސިއްހީ މައްސަލައެއް ހުންނަ މީހަކު ނަމަ، ނުވަތަ އޮޅުމަކުން ތުއްތު ކުއްޖަކު ފާޚާނާގައި ލޮކް ކުރާނަމަ ފާޚާނާއަށް ވަނުމުގެ ފުރުސަތު ބޮޑުކުރުމަށެވެ.

ނަމަވެސް ފަސިންޖަރަކު ޤަވާއިދާއި ޚިލާފަށް ދުންފަތުގެ އިސްތިއުމާލުކުރާނަމަ އަދި ހުއްޓުވައި ބޭރަށް ނުކުތުމަށް ދެކޮޅު ހަދާނަމަ ފަޅުވެރިންވެސް މި ޢަމަލު ހުއްޓުވަން އެންމެ ފަހު ފިޔަވަޅެއްގެ ގޮތުގައި ލަޗް ބޭނުންކުރެވިދާނެއެވެ.

ކުއޯރާއާ ހިއްސާކުރަމުން ކުރީގެ އޭވިއޭޝަން އިންސްޓްރަކްޓަރު ކަންޗީޕޫރަމް ނަރުސިމްހާން ބުނީ މި މެކޭނިޒަމް ޔޫޒް ކުރުމަށް ބައެއް ފަހަރު ކުޑަ ޕިނެއް ކަހަލަ އެއްޗެއް ބޭނުންވާ ކަމަށެވެ. އެގޮތުން ހެއާޕިން ވެސް ބޭނުންކުރެވިދާނެއެވެ.

އަސްލު މި ޕްރޮވިޝަންގެ މަގުސަދަކީ ފަސިންޖަރަކު އެތެރޭގައި ހޭނެތިގެން ވެއްޓުމުން ނުވަތަ ދޮރު ނުހުޅުވޭ ކުއްޖަކު ސަލާމަތް ކުރުމެވެ.

“ކެބިން ކްރޫއިންގެ ޕްރެކްޓިކަލް ޓެސްޓެއްގައި އަޅުގަނޑު މިކަން ޓެސްޓްކުރިން – ކެބިން ކްރޫއިން ބޭރުން ދޮރު ހުޅުވައިގެން އަހަރެން ސަލާމަތްކުރޭތޯ.” އެތަނުން އެއް ކުރޫއަކު ލިޔެފައިވެއެވެ.