އަޕްޑޭޓް: ކޮވިޑް ބަލީގައި މިއަދު ރާއްޖެއިން 4 ވަނަ މީހާ ނިޔާވެއްޖެ

ރާއްޖޭގައި ކޮވިޑްގެ ޙާލަތު އިތުރަށް ގޯސްވެ މިއަދުގެ މިހާތަނަށް ކޮވިޑް ބަލީގައި ރާއްޖެއިން 4 މީހުން ނިޔާވެއްޖެއެވެ.

މިއަދު 4 ވަނަ މީހަކަށް ނިޔާވެފައިވަނީ ޢުމުރުން 84 އަހަރުގެ ފިރިހެނެކެވެ.

މީގެ އިތުރުން ރާއްޖެއިން މިއަދު ނިޔާވެފައިވަނީ ޢުމުރުން 63 އަހަރުގެ މީހަކާއި 76 އަހަރުގެ މީހަކާއި 79 އަހަރުގެ މީހެކެވެ.

އެއީ 2 ފިރިހެނުންނާއި 1 އަންހެނެކެވެ.

ރާއްޖޭގައި ކޮވިޑްގެ ޙާލަތު ވަރަށްބޮޑަށް ގޯސްވެ އިއްޔެ އެކަނިވެސްވަނީ މުޅި ރާއްޖެއިން 2000 ށްވުރެ ގިނަ މީހުން ކޮވިޑަށް ފައްސިވެފައެވެ.

މާލެއިން އެކަނިވެސް އިއްޔެ 1200 އަށްވުރެ ގިނަ މީހުންވަނީ ކޮވިޑަށް ފައްސިވެފައެވެ.