މަގުމަތީގެ ސަލާމަތާއި ރައްކާތެރިކަން ކަށަވަރުކުރުމަށްޓަކައި، އުޅަނދުތައް ފުލުހުންގެ ބެލުމުގެ ދަށަށް ނުވަތަ ޓޯނުކޮށް ގަވާއިދާ ހިލާފުވާ ފަރާތްތައް ފަސޭހައިން ޖޫރިމަނާކުރެވޭނެ "ޑިޖިޓަލް ފައިން" ނިޒާމެއް ގާއިމުކުރުމުގެ އަމަލީ މަސައްކަތް ފުލުހުންގެ ހިދުމަތުން ފަށައިފިއެވެ.
އެސިސްޓެންޓް ކޮމިޝަނަރ އޮފް ޕޮލިސް އަދި ހުޅުމާލެ ޕޮލިސްގެ ހެޑް އާސިމް ޢަބްދުﷲ ވިދާޅުވީ، އިރާދަކުރެއްވިއްޔާ މާ ތަސް ނުވެ މި ނިޒާމުގެ ބޭނުން ހިފަން ދިވެހި ފުލުހުން ފަށާނެ ކަމަށާއި، މީގެ ސަބަބުން މަގުމަތީގެ ގަވާއިދުތަކަށް އާންމުން އަހުލުވެރިކުރުވުމުގެ އިތުރުން ގަވާއިދާ ހިލާފުވާ އުޅަނދުތަކާމެދު އަވަސް ފިޔަވަޅުތަކެއް އެޅިގެންދާނެ ކަމަށެވެ.
މި އާ ނިޒާމު ތައާރަފްކުރަން ނިންމާފައިވަނީ މަގުމަތީގައި ނުރައްކާތެރިކޮށް އުޅަނދު ދުއްވައި، އާންމުންގެ ހިތްތަކުގައި ބިރުވެރިކަން އުފެދޭ ގޮތަށް އަމަލުކުރާ ފަރާތްތަކާމެދު ހަރުކަށި ފިޔަވަޅުތަކެއް އެޅުމަށް ދިވެހި ފުލުހުންގެ ހިދުމަތުން ޚާއްސަ މަސައްކަތްތަކެއް ފަށާފައިވާ ދަނޑިވަޅެއްގައެވެ.
ކޮމިޝަނަރ އޮފް ޕޮލިސް އަޙްމަދު މުޙައްމަދުވެސް ވަނީ މަގުމަތީގެ އުސޫލުތަކާއި ޓްރެފިކް ގަވާއިދުތަކަށް ތަކުރާރުކޮށް ހިލާފުވާ މަދު ބައެއްގެ ސަބަބުން ގިނަ ރައްޔިތުންގެ ހައްގުތައް ގެއްލެމުންދާތީ، އެފަދަ ފަރާތްތަކާމެދު އިތުރު އިންޒާރަކާ ނުލައި ހަރުކަށި ފިޔަވަޅުތައް އެޅުމަށް މުއައްސަސާތަކަށް އަންގަވާފައިވާކަން ހާމަކުރައްވާފައެވެ.
ކޮމެންޓް (0)
ލޯޑް ކުރަމުން...