ގްރޭޑް ދޭއްގެ ކުއްޖަކު މޯދީއަށް ފޮނުވި ސިޓީއަކަށް މޯދީ ޖަވާބު ދެއްވައިފި
އިންޑިއާގެ ބޮޑުވަޒީރު ނަރެންދުރަ މޯދީގެ މަންމަ ހީރާބެން އަވަހާރަވުމާ ގުޅިގެން ބެންގަލޫރުގެ ގްރޭޑް ދޭއްގައި ކިޔަވަމުން ދިޔަ ދަރިވަރަކު، ތައުޒިޔާ ދެންނެވުމަށް ސިޓީއެއް ލިޔުމުން އެދަރިވަރަށް ވަރަށް ހިތްގައިމު ޖަވާބެއް މޯދީ ދެއްވައިފިއެވެ. އާރޫޝް ސްރިވަޓްސާ ފޮނުވި ސިޓީގައި ވަނީ ހިތާމަ ފާޅުކޮށް ބޮޑުވަޒީރުގެ މަންމާފުޅުގެ ފުރާނައަށް ހެޔޮރަހްމަތް ލެއްވުން އެދި ދުޢާ ކޮށްފައިވެއެވެ.
އެ ސިޓީގެ ޖަވާބުގައި މޯދީ ވަނީ އާރޫޝްގެ އޯގާތެރިކަމަށް ހަމްދަރުދީ ފާޅުކުރައްވައި ޝުކުރު އަދާކުރައްވާފައެވެ. އަދި މަންމަ ގެއްލުމުގެ ވޭނަކީ ބަހެއް ނުބުނެވޭނެ ހިތާމައެއް ކަމަށާއި އޯގާތެރިކަމުގެ މިފަދަ އިޝާރާތްތަކުން އެ ގެއްލުމާ ކުރިމަތިލުމުގެ ހިތްވަރު ލިބޭ ކަމަށެވެ. މި ސިޓީ ސޯޝަލް މީޑިއާގައި ހިއްސާކޮށްފައި ވަނީ އިންޑިއާގެ ބޮޑުވަޒީރު މޯދީގެ އިންސާނިއްޔަތާއި މަޑުމައިތިރިކަމަށް ތައުރީފު ކުރައްވާ ބާރަތިޔާ ޖަނަތާ ޕާޓީގެ ލީޑަރު ޚުޝްބޫ ސުންދަރު އެވެ.
އިންޓަނެޓް ބޭނުންކުރާ ފަރާތްތަކުން ވެސް ބޮޑުވަޒީރުގެ މި ޖަވާބަށް ތައުރީފު ކޮށްފައިވާއިރު، ގިނަ ބަޔަކު ވަނީ އެމަނިކުފާނަށް ތައުރީފު ކޮށްފަ އެވެ. އަދި ބައެއް މީހުން އޭނާ އަކީ އާދައިގެ ރައްޔިތުންގެ އިހުސާސްތައް ދެނެގަންނަ ހަގީގީ ސިޔާސީ ބޭފުޅެއްގެ ގޮތުގައި ވެސް ތައުރީފު ކުރި އެވެ.
ބޮޑުވަޒީރު މޯދީގެ މަންމާފުޅު ހީރާބެން އަވަހާރަވީ 2022 ވަނަ އަހަރުގެ ޑިސެމްބަރު މަހުގެ 30 ވަނަ ދުވަހު އެވެ. އެކަމަނާ އަވަހާރަވުމާ ގުޅިގެން ރާއްޖޭގެ އެކި ކަންކޮޅުތަކުން އެކި ޕާޓީތަކުގެ ސިޔާސީ ލީޑަރުން ވެސް ވަނީ ހިތާމަފާޅުކޮށްފަ އެވެ.
ބޮޑުވަޒީރު މޯދީގެ މި ޖަވާބަކީ ލީޑަރުން ނަކީ އެބޭފުޅުން ހިދުމަތް ކުރާ ރައްޔިތުންނާ މެދު ގާތްވެ، އިހުސާންތެރިވާން ޖެހޭ ބައެއްކަން ހަނދާންކޮށްދޭ ޖަވާބެކެވެ. އަދި ދަތި އުނދަގޫ ވަގުތުތަކަކާ ކުރިމަތިލާން ޖެހިފައިވާ މީހުންނާމެދު އޯގާތެރިކަމާއި އޯގާތެރިވުމަށް ހިތްވަރުދީ އެހެން މީހުންނަށް ވެސް ނަމޫނާ އެއްކަމަށް ގިނަބަޔަކު ދަނީ ބުނަމުންނެވެ.
