މައިކްރޮސޮފްޓުން ޑިވެލޮޕަރުންނަށް ޑައިރެކްޓްސްޓޯރޭޖް 1.1 ނެރެފި

މައިކްރޮސޮފްޓުން ޑިވެލޮޕަރުންނަށް ޑައިރެކްޓްސްޓޯރޭޖް 1.1 ތަޢާރަފްކޮށްފިއެވެ.

މައިކްރޮސޮފްޓުން އަންގާރަ ދުވަހު ކުރި އިއުލާނެއްގައި ބުނީ ޑިވެލޮޕަރުންނަށް އެ މީހުންގެ ޕީސީ ގޭމްތަކަށް މިހާރު ޑައިރެކްޓްސްޓޯރޭޖް ތަންފީޒު ކުރެވޭނެ ކަމަށެވެ. މި އަޕްޑޭޓަކީ ގޭމްތަކުން އަބަދުވެސް ހަލުވި ނޮންވޮލެޓައިލް މެމޮރީ އެކްސްޕްރެސް (އެންވީއެމްއީ) އެސްއެސްޑީގެ ބޭނުން ރަނގަޅަށް ހިފުމަށް ކޮންމެހެން ބޭނުންތެރި އަޕްޑޭޓެކެވެ.

މި ހަފުތާގެ ރިލީޒްގެ ސަބަބުން މައިކްރޮސޮފްޓްގެ އާ ކޮމްޕްރެޝަން އަދި ޑީކޮމްޕްރެޝަން ސިސްޓަމްތަކަށް ޑިވެލޮޕަރުންނަށް އެކްސެސް ލިބި، ސީޕީޔޫއިން ފެށިގެން ޖީޕީޔޫއާ ހަމައަށް ބައެއް މަސައްކަތްތައް އޮފްލޯޑް ކުރެވޭނެއެވެ. އަދި މި އަހަރު ނިމުމުގެ ކުރިން މައިކްރޮސޮފްޓުން ވިންޑޯޒް ނޫން ސިސްޓަމްތަކުގައި އެސެޓް ކޮމްޕްރެޝަންގެ ކޯޑްވެސް ނެރޭނެއެވެ.

އިންޓެލް، އޭއެމްޑީ އަދި އެންވީޑިއާ އިން ދާދި ފަހުން ކުރި އިއުލާނެއްގައި ބުނެފައި ވަނީ އެ މީހުންގެ އެންމެ ފަހުގެ ގްރެފިކްސް ކާޑު ޑްރައިވަރުން ޑައިރެކްޓްސްޓޯރޭޖް 1.1 އަށް ސަޕޯޓްކުރާ ކަމަށާއި، މިކަމުގެ ސަބަބުން ޖީޕީޔޫ ވިއްކާ ފަރާތަކަށް ތަފާތު ކުރިއެރުންތަކެއް ލިބިގެންދާނެ ކަމަށެވެ. މިސާލަކަށް އެންވީޑިއާ އިން ވަނީ ޑައިރެކްޓްސްޓޯރޭޖް އަށް ބަރޯސާކޮށް އާރްޓީއެކްސް އައި/އޯ ޖީޕީޔޫ ޑިކޮމްޕްރެޝަން ސިސްޓަމް އުފައްދާފައެވެ. ނަމަވެސް ގޭމަރުންނަށް ފައިދާއެއް ފެންނާނެ ގޮތަށް މި ފީޗާތައް ތަންފީޒު ކުރުމުގެ ހުރިހާ ޒިންމާ އޮތީ ޑިވެލޮޕަރުންގެ ބޮލުގައެވެ.

މިފީޗާ ލިބޭގޮތްވުމުން ޕްލޭސްޓޭޝަން 5 އަދި އެކްސްބޮކްސް ސީރީޒް ކޮންސޯލްތަކުން އެސްއެސްޑީއަށް ހާއްސަކޮށްފައިވާ އައި/އޯ ޕްރޮސެސްތަކުގެ ސަބަބުން ބޮޑެތި ގޭމްތައް ކުރިއަށްވުރެ އަވަހަށް ލޯޑްކޮށް ސްޓްރީމް ކުރެވޭނެއެވެ. ޓެސްޓްތަކުން ދައްކާ ގޮތުގައި ހުރިހާ އެސްއެސްޑީއަކުން ވެސް އެޗްޑީޑީއަށް ވުރެ މާ ހަލުވިކޮށް ގޭމް ލޯޑް ކުރެވޭނެއެވެ.

އެކްސްބޮކްސް އިން ވިންޑޯސްއަށް ޑައިރެކްޓްސްޓޯރޭޖް ގެނައުމުން ޕީސީ ގޭމިންއަށް އެންވީއެމްއީ ޑްރައިވްތަކުގެ މުޅި ބެންޑްވިޑް އަންލޮކް ކުރެވިދާނެ އެވެ. ރެޑްމޮންޑުން ޑިވެލޮޕަރުންނަށް ފުރަތަމަ އޭޕީއައި ނެރެފައިވަނީ މިދިޔަ މާޗް މަހުގެ ތެރޭގަ އެވެ.

ސްކުއާ އެނިކްސް އިން ޖީޑީސީ 2022 ގައި ނަތީޖާ ދައްކާލީ ޑައިރެކްޓްސްޓޯރޭޖް ބޭނުންކުރަން ރާވާފައިވާ ފުރަތަމަ ޕީސީ ގޭމް ކަމަށްވާ ފޯސްޕޯކެންއާ އެކު އެވެ. މި ޓެސްޓުން އެމް.2 އެސް.އެސް.ޑީގައި ދެ ސިކުންތުން ކުޑަ ވަގުތުކޮޅެއްގެ ތެރޭގައި ގޭމުގެ މަންޒަރެއް ލޯޑްކުރިއެވެ- ސަޓާ އެސްއެސްޑީއަށްވުރެ ދެގުނަ ހަލުވި އަދި އެޗްޑީޑީއަކަށްވުރެ 10 ގުނަ ހަލުވިކޮށެވެ. އެހެން ނަމަވެސް، ޖެނުއަރީ 24 ވަނަ ދުވަހު ފޯސްޕޯކެން ލޯންޗްކުރުމުގެ ކުރިން އިތުރު ތަރައްގީގެ މަސައްކަތްތަކާއެކު ލޯޑް ޓައިމްސް އިތުރަށް ހަލުވިކުރެވިދާނެ ކަމަށް ސްކޮއާ އެނިކްސް އިން ބުނެއެވެ.

ޑައިރެކްޓްސްޓޯރޭޖްގެ ފުރިހަމަ ފައިދާ ނަގަން ވިންޑޯޒް 11 ބޭނުންވާނެ އެވެ. ވިންޑޯޒް 10 އިން އަޕްގްރޭޑް ކުރަން ބޭނުން ނުވާ ކަސްޓަމަރުންނަށް އަދިވެސް ޕާފޯމަންސް އިމްޕްރޫވްމަންޓްތަކެއް ފެންނާނެ ކަމަށާއި ނަމަވެސް ލެގަސީ އޯއެސް ސްޓޯރޭޖް ސްޓޭކް ގެ ސަބަބުން އެ ތަކެތި ހިފެހެއްޓިދާނެ ކަމަށް މައިކްރޯސޮފްޓުން ބުނެއެވެ.