އެމެރިކާ އަދިވެސް އޮތީ ޔޫކްރެއިންއަށް ސިފައިން ފޮނުވުމާއި ވަރަށް ދުރުގައި: ޖެނެރަލް
އެމެރިކާ އަދިވެސް އޮތީ އެމެރިކާގެ ސިފައިން ޔޫކްރޭނަށް ފޮނުވުމާ ދުރުގައި ކަމަށާއި އެ ނިންމުމަކީ ޖޮއިންޓް ޗީފްސް އޮފް ސްޓާފްގެ ޗެއާމަން ރައީސް ޖޯ ބައިޑަންގެ ނިންމުމެއް ކަމަށް ޖެނެރަލް މާކް މިލީ ހޯމަ ދުވަހު ވިދާޅުވި އެވެ.
މިލީ ވަނީ އެ މައުޟޫއަށް މަޝްވަރާ ކުރަމުންދާކަން ގަބޫލުކޮށް، “ނިސްބަތުން ދަށް ފެންވަރެއްގައި ކުރިއަށްދާ ޕްލޭނިން މަސައްކަތްތަކެއް” ހުރި ކަމަށް ވިދާޅުވެފަ އެވެ.
“އެމެރިކާ ސިފައިން އަލުން ޔޫކްރޭނަށް ފޮނުވުމަކީ ރިޔާސީ ނިންމުންތަކެއް ނިންމަން ޖެހޭނެ ކަމެއް. އެހެންވީމާ، އަޅުގަނޑުމެން މިތިބީ އެކަހަލަ އެއްވެސް ކަމަކާ ދުރުގައި، އަދިވެސް އަޅުގަނޑުމެން މިދަނީ ފިޔަވަޅު އެޅުމުގެ ކޯސްތައް އެކުލަވާލަމުން އަދި އެއިން އެއްވެސް ކަމެއް އަދި ސެކްރެޓަރީ [އޮފް ޑިފެންސް] އަށް ހުށަހަޅާފައި ނުވޭ،” މިލީ ނޫސްވެރިންގެ ބައްދަލުވުމެއްގައި ވިދާޅުވި އެވެ.
ބައިޑަން ވަނީ ޔޫކްރޭންގައި މޮސްކޯއާ ސީދާ އެއްވެސް ހަމަނުޖެހުމެއް ނުހިނގާނެ ކަމުގެ އުންމީދުގައި، ފެބްރުއަރީ 24 ވަނަ ދުވަހު ރަޝިޔާ ޔުކްރޭނަށް އަރައިގަތުމުގެ ކުރިން ޔޫކްރޭނުން އެމެރިކާގެ ހުރިހާ ސިފައިން ބޭލުމަށް އަމުރުކޮށްފަ އެވެ. އެކަމަކު ޔޫރަޕްގައި ނޭޓޯގެ ދިފާއު ވަރުގަދަ ކުރުމަށް އެތައް ހާސް ސިފައިންނެއް ފޮނުވުމަށް ވަނީ އަމުރުކޮށްފަ އެވެ.
އެމެރިކާގެ އޮފިޝަލުން ހޯމަ ދުވަހު ވޯލް ސްޓްރީޓް ޖާނަލްއަށް ވިދާޅުވީ ތިން މަސް ދުވަސް ފަހުން މިދިޔަ ހަފްތާގައި އަލުން ހުޅުވި ކިއެވްގައި ހުންނަ އެމްބަސީ ބެލެހެއްޓުމަށް ހާއްސަ ބާރުތަކެއް ފޮނުވުމަށް ބައިޑަންގެ ވެރިކަމުގައި ވިސްނަމުންދާ ކަމަށެވެ.
