އޮމިކްރޯން-ސްޕެސިފިކް ބޫސްޓަރ ކޮންމެހެން ބޭނުން ނުވާކަމަށް އެމެރިކާގައި ހެދި ދިރާސާއަކުން ދައްކައިފި
އޮމިކްރޯން-ސްޕެސިފިކް ބޫސްޓަރ ކޮންމެހެން ބޭނުން ނުވާކަމަށް އެމެރިކާގައި ހެދި ދިރާސާއަކުން ދައްކައިފިއެވެ.
ރާމާމަކުނު ބޭނުންކޮށްގެން ހެދި މި ދިރާސާގައި ދީފައިވަނީ މޮޑާނާގެ ވެކްސިންގެ ދެ ޑޯޒް އެވެ. އެ ދެ ޑޯޒް ދިނުމަށްފަހު އޭގެ ނުވަ މަސް ފަހުން ޑޯޒް ދިން މަކުނުތަކަށް ވަނީ ކޮންވެންޝަނަލް މޮޑާނާ ބޫސްޓާ ނުވަތަ ވަކިން ހާއްސަކޮށް އޮމިކްރޯން ވޭރިއަންޓަށް އަމާޒުކޮށް ވެކްސިން ދީފައެވެ.
ދިރާސާކުރި ފަރާތްތަކުން ވަނީ ޖަނަވާރުންގެ އިމިއުން ރެސްޕޮންސްގެ އެކި ބައިތައް ޓެސްޓުކޮށް، އެ ތަކެތި ވައިރަސްއަށް ހުށަހެޅޭ ގޮތް ވެސް ދިރާސާކޮށްފަ އެވެ. މި ދެ ބޫސްޓަރަކީވެސް އޮމިކްރޯން ހިމެނޭ ގޮތަށް ކަންބޮޑުވާ ހުރިހާ ވައްތަރެއްގެ އެންޓިބޮޑީ ރެސްޕޮންސްނިއުޓްރަލައިޒް ކުރުމުގައި “އެއްފަދަ އަދި ފާހަގަކޮށްލެވޭ އިތުރުވުމެއް” އުފައްދާ ބޫސްޓަރތަކެއް ކަމަށް މި ދިރާސާއިން ވަނީ ފެނިފައެވެ.
މޮޑާނާ އިންކް އާއި ބައޯއެންޓެކް/ފައިޒަރ އިންކް އިން ވެސް ވަނީ އިންސާނުންގެ ކްލިނިކަލް ޓްރަޔަލްތަކުގައި އެމީހުންގެ ވެކްސިންގެ އޮމިކްރޯން-ސްޕެސިފިކް ބޫސްޓަރތައް ޓެސްޓްކުރަން ފަށާފައެވެ.
މިއީ ވަރަށް އުފާވެރި ޚަބަރެއް،” މި ދިރާސާގައި އިސްކޮށް ހަރަކާތްތެރިވި ނެޝަނަލް އިންސްޓިޓިއުޓް އޮފް އެލާޖީ އެންޑް އިންފެކްޝަސް ޑިޒީޒަސްގެ ވެކްސިން ރިސާޗަރެއް ކަމަށްވާ ޑެނިއަލް ޑޫއެކް ފޯނުން ނޫސްވެރިންނަށް ދެއްވި އިންޓަވިއުއެއްގައި ވިދާޅުވި އެވެ.
އޭގެ މާނައަކީ ވެކްސިނަކީ އޮމިކްރޯން ވެކްސިނަކަށް ހެދުމަށް އަޅުގަނޑުމެން ރެޑިކަލީ ރީޑިޒައިން ކުރާކަށް ބޭނުމެއް ނުވޭ.”
ޑޫއެކް ވިދާޅުވީ ސަބަބެއް ކަމަށް އޭނާ ގަބޫލުކުރައްވާ ސަބަބަކީ އޮރިޖިނަލް އަދި އޮމިކްރޯން އަށް ހާއްސަ ވެކްސިންތަކަކީ ވެސް “ކްރޮސް-ރިއެކްޓިވް” ދެ ވެކްސިން ކަމަށް ވާތީ ކަމަށާއި އޭގެ މާނައަކީ ތަފާތު ގިނަ ވޭރިއަންޓްތައް ދެނެގަނެވޭނެ ކަމަށެވެ.
މި ދިރާސާގައި ބައިވެރިނުވާ ވެއިލް ކޯރނެލް މެޑިކަލް ކޮލެޖުގެ މައިކްރޯބަޔޮލޮޖީ އެންޑް އިމިއުނޮލޮޖީގެ ޕްރޮފެސަރެއް ކަމަށްވާ ޑރ ޖޯން މޫރ ވިދާޅުވާ ގޮތުގައި، މި ނަތީޖާއަކީ ބީޓާ ވޭރިއަންޓަށް އަމާޒުކޮށް މޮޑާނާ ބޫސްޓަރެއް ޓެސްޓު ކުރުމަށް ކުރި ދިރާސާތަކާ އެއްގޮތް ނަތީޖާއެކެވެ.
“ހިއުމަން ޑޭޓާ ޝޯއަކީ ކޮބައިތޯ ބަލާލަމާ ހިނގާ،” މޫރް ވިދާޅުވި އެވެ. “ރާމާމަކުނުގެ ޑޭޓާއަކީ އާންމު ގޮތެއްގައި ވަރަށް ޕްރިޑިކްޓިވް އެއްޗެއް، އެކަމަކު އިންސާނުންގެ ޑޭޓާ ބޭނުންވާނެ.”
ރާމާމަކުނުގެ ދިރާސާގެ މައިގަނޑު އެއް ފައިދާއަކީ ދިރާސާކުރާ ފަރާތްތަކުން ޖަނަވާރުތައް ބާރުގަދަކޮށް، ދެން އެ ޖަނަވާރުތައް ވައިރަސްއިން އިންފެކްޓްކޮށް، އިމިއުން ރެސްޕޮންސް މިންކޮށް، އިންސާނުންގެ ޓްރަޔަލްތަކުގައި ނުކުރެވޭ ވަރުގެ ކަމެއް ކަމަށް މޫރް ވިދާޅުވި އެވެ.
ކޮވިޑްގެ ޕެންޑަމިކްގައި އެންމެ ހަލުވިމިނެއްގައި އަދި މިހާތަނަށް ފެތުރެމުން އަންނަ ވޭރިއަންޓަކީ އޮމިކްރޯން ކަމަށް ވާއިރު މިދިރާސާގެ ސަބަބުން ސިއްހީ ބޭފުޅުންނަށް ކޮންމެވެސް ވަރެއްގެ ހިތްހަމަޖެހުމެއް ލިބޭނެކަމަށް މިދިރާސާ ކުރި ފަރާތްތަކުން ބުނެއެވެ.
