ޚަބަރު ރައްޔިތުންނަށް ބޭނުންވާ ކަންކަން ކޮށްދިނުމަށް މަޖްލިސްގެ އަޣުލަބިއްޔަތު ބޭނުން – ރައީސް

ރައްޔިތުންނަށް ބޭނުންވާ ކަންކަން ކޮށްދިނުމަށް މަޖްލިސްގެ އަޣުލަބިއްޔަތު ބޭނުން – ރައީސް

ކިޔާލަން ހޭދަވާނީ އެއް މިނިޓް

ފޮންޓް ސައިޒް

އެމް.ޑީ.ޕީގެ ސަރުކާރުން ރިޔާސީ އިންތިޚާބު ކާމިޔާބުކޮށް ރާއްޖޭގެ ވެރިކަމާއި ހަވާލުވީ ރައްޔިތުންނަށް ބޭނުންވެފައިވާ މުހިއްމު ކަންތައްތަކެއް ހާސިލުކޮށްދެއްވުމަށްކަމަށާއި، އެކަންކަން ފުރިހަމަކުރުމަށް ރައްޔިތުންގެ މަޖިލީހުގެ އަޣްލަބިއްޔަތު ލިބުން މުހިއްމުކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.

ރައީސް މިހެން ވިދާޅުވީ ވެރިކަންކުރާ މައި ޕާޓީ، އެމްޑީޕީގެ ފަރާތުން ކުރިއަށް އޮތް ރައްޔިތުންގެ މަޖިލީހުގެ އިންތިޚާބުގައި ވާދަކުރާ ކެނޑިޑޭޓުންގެ ކެމްޕެއިން ރަސްމީކޮށްފަށްޓަވައިދެއްވުމަށް “އެޖެންޑާ ނަވާރަ” މަޖިލިސް ކެމްޕެއިން މިނަމުގައިބޭއްވި ޙަފްލާގައި ވާހަކަ ފުޅުދައްކަވަމުންނެވެ.

އެމްޑީޕީއިން ފެށި މިކެމްޕެއިންގައި އަންނަ މަޖިލިސް އިންތިޚާބުގައި ވާދަކުރާ 86 ދާއިރާގެ ކެނޑިޑޭޓުންވަނީ ތާޢާރަފްކޮށްފައެވެ.

މިރަސްމިއްޔާތުގައި ވާހަކަފުޅުދައްކަވަމުން ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް އެމަނިކުފާނުވަނީ އެމަނިކުފާނުގެ ސިޔާސީ ޙަޔާތްޕުޅުގެތެރެއިން ރައްޔިތުންގެ މަޖިލީހުގައި ހޭދަކުރެއްވި ފަންސަވީސް އަހަރުދުވަހުގެ ތަޖުރިބާ ޙިއްސާކުރައްވާފައެވެ. އަދި ރައްޔިތުންނަށް ޙައްޤު މިންވަރު ހޯދައިދިނުމަށް ރައްޔިތުންގެ މަޖިލީހުގައި އެންމެ މުހިންމު ދައުރެއް އަދާކުރެވޭނީ އެމްޑީޕީއަށް ކަމަށް ވިދާޅުވިއެވެ.

މިރަސްމިއްޔާތުގައިވަނީ މަޖިލިސް އިންތިޚާބުގައި ވާދަކުރާ އެމްޑީޕީގެ ކެނޑިޑޭޓުންނަށް އެޕާޓީން ހުށައަޅާ ޤަރާރުވަނީ އިއްވާފައެވެ. މިރަސްމިއްޔާތުގައި އެޕާޓީގެ ފަރާތުން މަޖިލިސް އިންތިޚާބުގައި ބޭނުންކުރާނެ ރަސްމީ ލަވަވެސް ވަނީ ލޯންޗްކޮށްފައެވެ.

ޓެގް

އެމްޑީޕީ ރައީސްއިބްރާހިމްމުޙައްމަދުޞޯލިޙު

މި ޚަބަރަށް ތިޔަބޭފުޅުންގެ ވިސްނުން

ކޮމެންޓް (0)

ލޯޑް ކުރަމުން...

ކޮމަންޓް ޝާއިއު ކުރެވޭނީ އެޑިޓޯރިއަލް ޓީމުން ރިވިއުކުރުމަށްފަހު، ކޮމެންޓް ކުރުމުގެ މިންގަނޑުތަކަށް ފެތޭނަމަ އެވެ.