މަސްވެރިންނަށް ހެޔޮއަގުގައި ތެޔޮ ފޯރުކޮށްދިނުމަށް ސަރުކާރުން ފަށާފައިވާ މަޝްރޫޢުގެ ދަށުން، ނ. މަނަދޫގައި ޤާއިމުކުރި ފިއުލް ސްޓޭޝަން ރަސްމީކޮށް ހުޅުވައި ޚިދުމަތް ދޭން ފަށައިފިއެވެ.
މި ސްޓޭޝަން ހުޅުވުމާއެކު، މާލެއިން ތެޔޮ ލިބޭ ހެޔޮ އަގުގައި މިހާރު އެ ރަށުން ޑީސަލް ލިބެން ހުންނާނެއެވެ.
އެސްޓީއޯ އާއި އެފްއެސްއެމް ގުޅިގެން ތަރައްޤީކުރި މި ފިއުލް ސްޓޭޝަން އިފްތިތާޙު ކުރުމަށް މަނަދޫގައި ބޭއްވި ޚާއްޞަ ރަސްމިއްޔާތު ޝަރަފުވެރިކޮށްދެއްވީ ރައްޔިތުންގެ މަޖިލީހުގެ މަނަދޫ ދާއިރާގެ މެންބަރު ޙުސްނީ މުބާރަކެވެ. މި ރަސްމިއްޔާތުގައި ރަށުގެ މުއައްސަސާތަކުގެ ވެރިންނާއި ގިނަ އަދަދެއްގެ ރައްޔިތުން ބައިވެރިވިއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ވަޢުދުފުޅާ އެއްގޮތަށް ފެށުނު މި ޚިދުމަތުގެ ސަބަބުން، މަނަދޫގެ އިތުރުން އެ ސަރަޙައްދުގެ މަސްވެރިންނަށާއި ކަނޑުދަތުރުފަތުރު ކުރާ ފަރާތްތަކަށް ބޮޑެތި ލުއިފަސޭހަތަކެއް ލިބި، އަތޮޅުގެ އިޤްތިޞާދަށް އިތުރު ދިރުމެއް ލިބިގެންދާނެއެވެ.
ކޮމެންޓް (0)
ލޯޑް ކުރަމުން...