ރަޝިއާގެ ހަނގުރާމައާއި ދެކޮޅަށް ބާލިންގައި މުޒާހަރާކޮށްފި

ރަޝިޔާއިން ޔުކްރެއިންގައި ފަށާފައިވާ ހަނގުރާމައާ ދެކޮޅަށް އިއްޔެ (އާދީއްތަ ދުވަހު) ޖަރުމަނުވިލާތުގެ ވެރިރަށް ބަރލިންގައި ގާތްގަނޑަކަށް 2،000 މީހުން ބައިވެރިވެގެން މުޒާހަރާއެއް ބާއްވައިފިއެވެ.

މި މުޒާހަރާގައި ފާއިތުވި އަހަރު މަރުވެފައިވާ ރަޝިޔާގެ އިދިކޮޅު ލީޑަރު އެލެކްސީ ނަވަލްނީގެ އަނބިކަނބަލުން ޔޫލިޔާ ނަވަލްނަޔާއާއި އިދިކޮޅު ސިޔާސީ ފަރާތެއް ކަމުގައިވާ ވްލަދިމީރު ކަރާ-މުރުޒާ ވެސް ބައިވެރިވެވަޑައިގެންނެވިއެވެ. މުޒާހަރާގެ ބައިވެރިން ވަނީ 2022 ވަނަ އަހަރުގެ ފެބްރުއަރީ މަހު ރަޝިޔާއިން ފަށާފައިވާ ހަނގުރާމަ ހުއްޓާލައި، ޔުކްރެއިނުން ރަޝިޔާގެ ސިފައިން އަނބުރާ ގެންދިއުމަށް ގޮވާލާފައެވެ.
މުޒާހަރާގެ ބައިވެރިން ވަނީ “ޕުޓިންއަށް ނޫނެކޭ، ޔުކްރެއިންގެ ހަނގުރާމައަށް ނޫނެކޭ” އަދި “ސިޔާސީ ގައިދީންނަށް މިނިވަންކަން” ފަދަ އިބާރާތްތަކުން ގޮވާލާފައެވެ.

މި މުޒާހަރާ ނިންމާލެވުނީ ބަރލިންގައި ހުންނަ ރަޝިޔާގެ އެމްބަސީ ކުރިމަތީގައި ތަޤުރީރުތަކެއް ދިނުމަށްފަހުގައެވެ. މި މުޒާހަރާއަކީ ރަޝިޔާއިން ޔުކްރެއިންގައި ފަށާފައިވާ ހަނގުރާމައާ ދެކޮޅަށް ބަރލިންގައި ބޭއްވުނު އެންމެ ފަހުގެ މުޒާހަރާއެވެ.

ރަޝިޔާއިން ޔުކްރެއިންގައި ފަށާފައިވާ ހަނގުރާމައަކީ 2022 ވަނަ އަހަރުގެ ފެބްރުއަރީ 24 ވަނަ ދުވަހު ފެށުނު، މިހާރުވެސް ދެމިގެންދާ ހަނގުރާމައެކެވެ. މި ހަނގުރާމައިގެ ސަބަބުން ދުނިޔޭގެ އެކި ކަންކޮޅުތަކުގައި އިންސާނީ، އިޤްތިޞާދީ އަދި ސިޔާސީ ބޮޑެތި އަސަރުތަކެއް ކުރަމުންދެއެވެ. މީގެ އިތުރުން، މި ހަނގުރާމައާ ގުޅިގެން ރަޝިޔާގެ ރައީސް ވްލަޑިމީރު ޕުޓިންގެ ވެރިކަމާ ދެކޮޅަށް ރަޝިޔާގެ އެތެރޭގައާއި ބޭރުގައި އިހުތިޖާޖުތައް އިތުރުވެފައިވެއެވެ. ޚާއްޞަކޮށް ޔޫރަޕުގެ ގިނަ ގައުމުތަކުގައި ރަޝިޔާގެ ހަނގުރާމައާ ދެކޮޅަށް މުޒާހަރާތައް ބޭއްވެމުންދެއެވެ. މި މުޒާހަރާތަކުގައި ރަޝިޔާގެ އިދިކޮޅު ފަރާތްތަކާއި ޔުކްރެއިންގެ ރައްޔިތުންނާއި އެހެނިހެން ގައުމުތަކުގެ ރައްޔިތުން ބައިވެރިވަމުންދާކަން ފާހަގަކުރެވެއެވެ.