ހުޅުމާލޭގައި ޤަވާއިދާ ޚިލާފަށް ދިރިއުޅެމުންދިޔަ ބިދޭސީން ބަލައި ފާސްކުރުމަށް މޯލްޑިވްސް އިމިގްރޭޝަނުން ފެށި ހާއްސަ އޮޕަރޭޝަންގެ ތެރެއިން، އިތުރު 7 މީހަކު އެ އިދާރާގެ ބެލުމުގެ ދަށަށް ގެންގޮސްފިއެވެ.
ޖޮއިންޓް ޓާސްކް ފޯސްއިން އިއްޔެ ކުރިއަށް ގެންދިޔަ މި ރެއިޑްތަކުގައި ހުޅުމާލޭގެ 8 ތަނެއް ވަނީ ފާސްކޮށްފައިަކަމަށް އިމިގްރޭޝަނުން ބުންޏެވެ.
އެ އިދާރާއިން ބުނިގޮތުގައި މި އޮޕަރޭޝަންތަކަކީ ޤަވާއިދާ ޚިލާފަށް ބިދޭސީން ލައްވައި މަސައްކަތް ކުރުވާ ފަރާތްތަކާއި، އެފަދަ މީހުންނަށް ހިޔާވަހިކަން ފޯރުކޮށްދޭ ވިޔަފާރިތަކަށް އަމާޒުކޮށްގެން ހިންގަމުންދާ ސިލްސިލާ ހަރަކާތްތަކެކެވެ. އެގޮތުން މި ފަހަރުގެ އޮޕަރޭޝަނުގައި 26 ބިދޭސީއެއްގެ ލިޔެކިޔުންތައް ޗެކްކޮށް، ވިސާ މައްސަލަތައް ހުރި 7 މީހަކު ވަނީ ޑިޓެންޝަން ސެންޓަރަށް ބަދަލުކޮށްފައެވެ.
ރާއްޖޭގައި ގިނަ އަދަދަކަށް ތބި ބިދޭސީންގެ މައްސަލައަށް ދާއިމީ ހައްލެއް ހޯދުމަށް ސަރުކާރުން ހިންގާ “ކުރަނގި” އޮޕަރޭޝަންގެ ދަށުން މިހާތަނަށް 294،000 އަށްވުރެ ގިނަ ބިދޭސީންގެ މައުލޫމާތު ވަނީ އެއްކޮށްފައެވެ. އަދި ޤަވާއިދާ ޚިލާފަށް އުޅޭ ފަރާތްތައް ހޯދައި، ޤާނޫނީ ފިޔަވަޅު އެޅުމަށްފަހު މިހާތަނަށް 12،552 ބިދޭސީން ވަނީ ޑީޕޯޓުކޮށްލާފައެވެ.
ކޮމެންޓް (0)
ލޯޑް ކުރަމުން...