މާލޭ އިއްޒުއްދީން ފާލަން ކައިރިން ކަނޑުމަތީގައި ރޭ ހިނގި ނުރައްކާތެރި އެކްސިޑެންޓެއްގައި ފަސް މީހަކަށް އެކިވަރުގެ އަނިޔާތައް ލިބިގެން އައިޖީއެމްއެޗް ހޮސްޕިޓަލުގައި ފަރުވާ ދޭން ފަށައިފިއެވެ.
މި ހާދިސާގެ މައުލޫމާތު ފުލުހުންނަށް ރިޕޯޓުކޮށްފައިވަނީ ރޭ 9:16 ހާއިރު ކަމަށްވާއިރު، އެކްސިޑެންޓުވި “ލީޖަން 1” ނަމަކަށް ކިޔާ ލޯންޗު ވަނީ ހާދިސާއަށްފަހު މާލޭ އިއްޒުއްދީން ފާލަމާ ދިމާލަށް ކައިރިކޮށްފައެވެ.
ފުލުހުން ބުނި ގޮތުގައި ކަނޑުމަތިން ދެ އުޅަނދެއް ޖެހިގެން ހިނގި މި ހާދިސާގައި ހިމެނޭ އަނެއް އުޅަނދު ވަނީ އެކްސިޑެންޓަށްފަހު މަޑުނުކޮށް ފިލާފައެވެ.
މި ހާދިސާގައި އަނިޔާވެގެން ހޮސްޕިޓަލަށް ގެންދެވުނު މީހުންގެ ތެރޭގައި ހިމެނެނީ ހަތަރު ބިދޭސީ ފިރިހެނުންނާއި ދިވެހި ފިރިހެނެކެވެ.
މި އެކްސިޑެންޓް ހިނގަން މެދުވެރިވި ސަބަބު ދެނެގަތުމަށާއި، އެ ސަރަހައްދުން ފިލި އުޅަނދު ހޯދުމަށް ފުލުހުން މިހާރު ދަނީ މި މައްސަލަ އިތުރަށް ތަހުގީގު ކުރަމުންނެވެ.
ކޮމެންޓް (0)
ލޯޑް ކުރަމުން...