ގެއްލިގެން ހޯދަމުންދިޔަ ދިވެހި އުމްރާވެރިޔާ ފެނިއްޖެ ކަމަށް އެގްރޫޕުން ބުނެފި

އުމްރާގެ އަޅުކަމަށް ގޮސް އުޅެނިކޮށް ގެއްލި ގެން މިއަދު ރިޕޯޓްކުރި ދިވެހި އުމްރާވެރިޔާ ފެނިފައިވާކަމަށް އެމީހާ ޢުމުރާއަށް ގެންދިޔަ ގްރޫޕް ޠާބިތު ލިލް ޙައްޖު ވަލް އުމްރާ ޕްރައިވެޓް ލިމިޓެޑް ގްރޫޕުން ބުނެފިއެވެ.

މިއަދު ގެއްލުނީ ހއ. ހޯރަފުށީ، ނޫވިލާގެ، ފާތިމަތު ވަހީދާއެވެ. އެ ގްރޫޕުން ކުރިން ބުނެފައިވާގޮތުގައި ގެއްލިގެން ހޯދަނީ، މޯބައިލް، ކާޑު އަދި ދަބަސް ކޮޓަރީގައި ބޭއްވުމަށް ފަހު އާއިލާގެ އެހެން މީހުންނާ އެކު ދަމުނަމާދަށް ގޮސް އުޅުމުގެ ތެރޭގައި އާއިލާގެ މެންބަރުންނާ ދުރަށް ދިއުމަށް ފަހު، އެނބުރި ހޮޓަލަށް ގޮސްފައި ނުވާތީ ކަމަށެވެ.

ވަހީދާ ފެނިފައިވާއިރު އޭނާގެ ހާލު ރަނގަޅު ކަމަށް އެގްރޫޕުން މައުލޫމާތު ދެއެވެ.