ރައީސް ސޯލިހް ޕްރައިމަރީއަށް ފޯމު ހުށަހަޅުއްވައިފި
20 ހާހަށްވުރެ ގިނަ މެންބަރުންގެ ތާއީދާއެކު އެމްޑީޕީގެ ރިޔާސީ ޕްރައިމަރީއަށް ރައީސް އިބްރާހިމް މުހައްމަދު ސޯލިހް ފޯމު ހުށަހަޅުއްވައިފިއެވެ.
މިކަން ހާމަކުރައްވަމުން ކިނބިދޫ ދާއިރާގެ މެންބަރު މުހައްމަދު ނާޝިޒް މިއަދު ވިދާޅުވީ ރައީސް ފޯމް ހުށަހެޅުއްވީ 20 ހާހަށްވުރެ ގިނަ މެންބަރުންގެ ތާއީދާއިއެކުގައި ކަމަށެވެ.
2023ގެ ރިޔާސީ އިންތިޚާބުގައި ވާދަކުރާނެ އެމް.ޑީ.ޕީގެ ކެނޑިޑޭޓެއް ހޮވުމަށް ބާއްވާ ޕްރައިމަރީގައި ވާދަ ކުރެއްވުމަށް،20k އަަށް ވުރެގިނަ މެމްބަރުންގެ ތާއީދާއި އެކު، ރައީސް @ibusolih ގެ ކެންޑިޑަސީ ފޯމު ހުށައަޅުއްވައިފި.
މާތް الله މަނިކުފާނަށް ކާމިޔާބު މިންވަރު ކުރައްވާށި. އާމީން pic.twitter.com/MDoPIlfKwX— Mohamed Nashiz (@Mnashiz) December 24, 2022
ރައީސް ސޯލިހް ޕްރައިމަރީއަށް ފޯމު ހުށަހަޅުއްވާފައިވާއިރު ރައީސް ނަޝީދުވެސް ވަނީ ޕްރައިމަރީއަށް ފޯމު ހުށަހަޅުއްވާފައެވެ. ނަމަވެސް ރައީސް ނަޝީދުގެ ކެމްޕޭނު ޓީމުން ހޯދި ތާއީދު ފޯމުގެ އަދަދު ހާމަކޮށްފައެއް ނުވެއެވެ.
ޕްރައިމަރީއަށް ކުރިމަތިލުމުގެ މުއްދަތު މިއަދު ހަވިރު ހަތަރަކަށް ހަމަވާއިރު ރައީސް ނަޝީދާއި ރައީސް ސޯލިހްގެ އިތުރުން، އިތުރު ބޭފުޅަކު މި ޕްރައިމަރީގައި ވާދަކުރައްވަން އަދި ފޯމު ހުށަހަޅާފައެއް ނުވެއެވެ. އަދި ވާދަކުރާނެކަން އިތުރު ފަރާތަކުން ހާމަކޮށްފައެއް ނުވެއެވެ.
