ޚަބަރު
ފެރީއަކުން މޫދަށް ވެއްޓުނު ޒުވާނަކު މަރުވެއްޖެ
ގއ. ގެމަނަފުށިން ފުރައިގެން ގއ. ކަނޑުހުޅުދު އަށް ދަތުރުކުރި ފެރީއަކުން މޫދަށް ވެއްޓުނު ޒުވާނަކު މަރުވެއްޖެ އެވެ.
މިއަދު ހަވީރު ހިނގި މި ހާދިސާގައި މޫދަށް ވެއްޓި މަރުވެފައިވަނީ 25 އަހަރުގެ ޒުވާނެކެވެ.
މައުލޫމާތު ލިބިފައިވާ ގޮތުގައި އެ ޒުވާނާ މަރުވެފައިވަނީ ގެނބިގެންނެވެ. އެ ޒުވާނާ ގެމަނަފުށީ ސިއްހީ މަރުކަޒަށް ގެނައި އިރުވެސް މަރުވެފައިވާ ކަމަށް މައުލޫމާތު ލިބެ އެވެ.
މި ހާދިސާއާއި ބެހޭގޮތުން ފުލުހުން އަދިއެއްވެސް މައުލޫމާތެއް ނުދެއްވައެވެ.
