ދިވެހިންގެ ގިނަ ޢަދަދެއްގެ ފިރިހެނުން ތަކަކާއެކު އެއްޖިއްސުން ގުޅުން ހިންގިކަމަށް އެއްބަސްވެފައިވާ އަލަމްގިރި އާއި އެކު އެއްޖިންސުން ގުޅުން ހިންގިކަމަށް އިއުތިރާފްވެފައިވާ ގާނޫނީ ވަކީލު ނާޒިމް ސައްތާރުގެ މައްޗަށް ދައުލަތުން އުފުލާފައިވާ އެއްޖިންސުން ގުޅުންހިންގުމުގެ ދައުވާގެ ހުކުމް ކުރުން މާދަމާއަށް ތާވަލްކޮށްފި އެވެ.
ކްރިމިނަލް ކޯޓުގައި ތާވަލްގައިވާ ގޮތުން ނާޒިމް ސައްތާރަށް ހުކުމް ކުރުން އޮތީ މާދަމާ ހަވީރު 4:30 ގައި އެވެ. އެ ޝަރީއަތް ކުރިއަށްދާނީ އޮންލައިންކޮށެވެ.
ނާޒިމް ވަނީ އޭނާ އަލަމްގީރްއާއިއެކުގައި ބަދުއަހުލާގީ އަމަލު ހިންގި ކަމަށް އިއުތިރާފް ވެފައެވެ.
ނާޒިމް އެއްޖިންސުން ގުޅުން ހިންގާ ވީޑިއޯއެއް ލީކުވެ، އެ މައްސަލައިގެ ތަހުގީގަށް އޭނާ ފުރުން އޮތީ މަނާކޮށްފައެވެ. އެމައްސަލައިގައި އޭނާ ހައްޔަރު ވެސް ކުރިއެވެ. ނަމަވެސް މިހާރު ހުރީ ބަންދުން ދޫކޮށްލާފައެވެ.
އެއްޖިންސުން ގުޅުން ހިންގުމުގެ ކުށް ސާބިތުވެ، އަލަމްގިރް މިހާރު ދަނީ ޖަލުހުކުމެއް ތަންފީޒުކުރަމުންނެވެ.
އަލަމްގީރް އާއެއެކު އެއްޖިންސުން ގުޅުން ހިންގި މައްސަލައިގައި އެހެން ބައެއް މީހުންގެ މައްޗަށްވެސް ދައުވާ އުފުލާފައިވެ އެވެ. އޭގެތެރެއިން ބައެއް މީހުންގެ ޝަރީއަތް ވަނީ ކްރިމިނަލް ކޯޓުގައި ފަށައިފައެވެ.
ކޮމެންޓް (0)
ލޯޑް ކުރަމުން...