ޗައިނާއިން ޓައިވާން ބްލޮކޭޑް ޑްރިލްގައި ހައިޕަރސޮނިކް މިސައިލްތައް ޓެސްޓްކޮށްފި – މީޑިއާ

އެމެރިކާގެ ހައުސްގެ ރައީސް ނޭންސީ ޕެލޯސީ އެ ޓައިވާނަށް ކުރެއްވި ދަތުރުފުޅާ ގުޅިގެން ޓައިވާން ވަށައިގެން ބެއިޖިން ފެށި ބޮޑެތި އަސްކަރީ ޑްރިލްތަކުގައި ޗައިނާގެ ޒަމާނީ ހައިޕަރސޮނިކް ޑީއެފް-17 މިސައިލްތައް ހިމެނޭ ގޮތަށް “ޒަމާނީ ހަތިޔާރު ބޭނުންކުރުމުގެ ޓެސްޓްތަކެއް ކޮށްފިކަމަށް ބުދަ ދުވަހު ރިޕޯޓްކޮށްފި އެވެ.

މިހާރު ކުރިއަށްދާ ތަމްރީނުތަކުގައި “ޖޮއިންޓް ބްލޮކޭޑް، ސީ އެސޯލްޓް އަދި ލޭންޑް އެންޑް އެއާ ކޮމްބަޓް ޓްރެއިނިންގސް” ހިމެނޭ ކަމަށް ދައުލަތުގެ މީޑިއާއިން ބުނެފައިވާއިރު، ޗައިނާގެ ޖޭ-20 ސްޓެލްތު ފަޔަރ ޖެޓްތަކުން ވެސް މި ތަމްރީނުގައި ދަނީ ބައިވެރިވަމުންނެވެ.

ގްލޯބަލް ޓައިމްސް އިން ބުނީ މި ޑްރިލްތަކަކީ “ކުރިން ނުފެންނަ ޑްރިލްތަކެއް” ކަމަށާއި ޗައިނާގެ މިސައިލްތައް “ފުރަތަމަ ފަހަރަށް ޓައިވާން ޖަޒީރާގެ މައްޗަށް އުދުހޭނެ” ކަމަށް ބެލެވޭ ކަމަށެވެ. ޕީޕަލްސް ލިބަރޭޝަން އާމީ (ޕީއެލްއޭ) ގެ ބާރުތައް ވެސް ޖަޒީރާގެ 12 ނޯޓިކަލް މޭލު ތެރޭގައި އެ ސަރަހައްދަށް ވަދެދާނެ ކަމަށް ބެލެވޭ ކަމަށާއި، ޖަޒީރާ “މުޅިން” ވަށާލެވޭނެ ކަމަށް ބެލެވޭ ކަމަށް ވެސް އަސްކަރީ “ތަޖުރިބާކާރުން” އާ ހަވާލާދީ ބުނެފައިވެ އެވެ.

ޗައިނާގެ އާމްޑް ފޯސަސް އީސްޓަން ތިއޭޓަރ ކޮމާންޑުން ބުދަ ދުވަހު ބުނީ މި ތަމްރީނުގައި ބައިވެރިވި ފޯސްތަކުން ޖަޒީރާގެ އުތުރާއި ހުޅަނގު ދެކުނު އަދި އިރުދެކުނަށް “ރިއަލިސްޓިކް ކޮމްބަޓް އޮރިއެންޓެޑް” ޑްރިލްތަކެއް ކުރިއަށް ގެންގޮސްފައިވާ ކަމަށެވެ.

ޝިންހުއާ ނިއުސް އެޖެންސީން އަންގާރަ ދުވަހުގެ ހަވީރު ރިޕޯޓްކޮށްފައިވާ ގޮތުގައި މި ޑްރިލްތައް މަދުވެގެން ހުކުރު ދުވަހުގެ މެންދުރުގެ ނިޔަލަށް ކުރިއަށްދާނެ ކަމަށް ބެލެވޭއިރު، އެ ޑްރިލްތަކުގައި “ކަނޑުގެ ބޮޑު ހަ ސަރަހައްދަކާއި ޓައިވާން ޖަޒީރާ ވަށައިގެން ވައިގެ ތެރޭގައި ލައިވް ފަޔަރ ޑްރިލްތައް” ކުރިއަށް ގެންދާނެ އެވެ.

ގްލޯބަލް ޓައިމްސް އިން ބުދަ ދުވަހު ފާހަގަކުރި ޑީއެފް-17 މިސައިލްތައް ފުރަތަމަ އާންމުކޮށް ދައްކާލީ ޗައިނާގެ އަސްކަރިއްޔާއިން 2022 ވަނަ އަހަރުގެ ޖުލައި މަހުގެ 31 ވަނަ ދުވަހު ކަމަށެވެ. އެމިސައިލްތައް ސިފަކޮށްފައިވަނީ “އެއާކްރާފްޓް ކެރިއާ ކިލަރ” އާއި ވައްތަރު މިސައިލެއްގެ ގޮތުގައެވެ.

ޑޮންގްފެންގް (އީސްޓް ވިންޑް) ގެ މާނަ ދޭހަވާ ޑީއެފް-17 އިން ވޯހެޑްގެ ގޮތުގައި ބޭނުންކުރަނީ ހައިޕަރސޮނިކް ގްލައިޑަރެއް ކަމަށް ބުނާއިރު، އެ ވޯހެޑް އަޑުގެ ސްޕީޑަށް ވުރެ ފަސް ގުނަ ބާރަށް އުދުހޭއިރު، “އަންޕްރެޑިކްޓެބަލް ޓްރެޖެކްޓަރީ” ވެސް ހުރެއެވެ. ގްލޯބަލް ޓައިމްސް އިން ބުނާ ގޮތުގައި މިސައިލްތަކަކީ މަތިންދާބޯޓު އުފުލާ ބޯޓުތައް ފަދަ “މަޑުމަޑުން ދަތުރުކުރާ އަމާޒުތަކަށް” ޖެހުމަށް ހާއްސަކޮށްފައިވާ މޮޅު މިސައިލްތަކެކެވެ.

މި ޚަބަރު ލިބިފައި މިވަނީ ޓައިވާނުގެ ވަށައިގެން ޓެންޝަންތައް ގަދަވަމުންދާ ދަނޑިވަޅެއްގައެވެ. އަންގާރަ ދުވަހު ޕެލޯސީ ވަނީ ޗައިނާގެ ސުވަރިން ޓެރިޓަރީގެ ބައެއްގެ ގޮތުގައި ބެއިޖިން ދެކޭ ޖަޒީރާއަށް ވަޑައިގެންފަ އެވެ. އެމެރިކާގެ ރިޔާސީ އިންތިޚާބުގައި ތިންވަނަ ބޭފުޅަކަށް ހުންނެވި މަޖިލީހުގެ ރައީސް 1997 ވަނަ އަހަރުން ފެށިގެން އެމެރިކާގެ އެންމެ މަތީ މަގާމުގައި ހުންނެވި އޮފިޝަލަކަށް ވެވަޑައިގެންފައިވާއިރު، ޗައިނާއިން މީގެ ކުރިން ތަކުރާރުކޮށް މުޒާހަރާކޮށްފައި ވަނީ އެއީ ޕްރޮވޮކޭޝަނެއް ކަމަށް ބުނަމުންނެވެ.

ބެއިޖިން އިން މި ދަތުރަށް ރައްދުދީ ޓައިވާނުގެ ވަށައިގެން އަސްކަރީ ތަމްރީނުތައް ފަށައި، ޕެލޯސީގެ ދަތުރުފުޅުން ބެއިޖިން އާއި ވޮޝިންޓަންއާ ދެމެދު އޮންނަ ދެ ގައުމުގެ ގުޅުމަށް “ބޮޑަށް އަސަރުކުރާނެ” ކަމަށް އެމެރިކާއަށް އިންޒާރު ދިނެވެ.

1949 ވަނަ އަހަރުން ފެށިގެން ޓައިވާނުގައި ވެރިކަން ކުރަމުން އައީ ޗައިނާގެ ދާޚިލީ ހަނގުރާމައިގައި ބަލިވި ގައުމިއްޔަތު ވެރިން ކަމަށާއި، އެމީހުން ޗައިނާ އަތްދަށުން ސަލާމަތްވީ އެމެރިކާގެ އެހީތެރިކަމާއެކުގައެވެ.

ޓައިޕޭގެ ސަރުކާރުން އަމިއްލައަށް ކިޔަނީ ރިޕަބްލިކް އޮފް ޗައިނާ (އާރުއޯސީ) ކަމަށާއި ދުވަހަކުވެސް ރަސްމީކޮށް މިނިވަންކަން އިއުލާން ނުކުރާ ކަމަށް މީޑިއާ ރިޕޯޓްތައް ބުނެއެވެ.

ވޮޝިންޓަނުން އެ ޖަޒީރާއާ ގާތް ނުރަސްމީ ގުޅުންތަކެއް ބާއްވައި، ޓައިޕޭއަށް ހަތިޔާރު ވިއްކަ މުންދާކަމަށް ޗައިނާއިން ތުހުމަތު ކުރެއެވެ.