ޗައިނާއިން ޓައިވާން ކައިރީގައި އަސްކަރީ ޑްރިލްތައް ފަށައިފި – ރިޕޯޓް
އެމެރިކާގެ ހައުސްގެ ރައީސް ނޭންސީ ޕެލޯސީ ޓައިވާނަށް ކުރެއްވި ދަތުރުފުޅާ ގުޅިގެން “ޓާގެޓް އަސްކަރީ އޮޕަރޭޝަންތަކެއް” ފަށާނެ ކަމަށް ވައުދުވެ ޓައިވާނުގެ ކަނޑުގެ ސަރަހައްދުގައި ބެއިޖިން އިން އަސްކަރީ ޑްރިލްތައް ހިންގަން ފަށައިފި ކަމަށް ޗައިނާގެ މީޑިއާތަކުން ބުނެފި އެވެ.
“ޕީއެލްއޭ ކޮމްބަޓް ކޮމާންޑްގެ އީސްޓަން ޒޯނުން ޓައިވާން ޖަޒީރާ ވަށައިގެން ޖޮއިންޓް އަސްކަރީ އޮޕަރޭޝަންތަކެއް ސިލްސިލާކޮށް ކުރިއަށް ގެންދަނީ،” ޕެލޯސީ އެ ޖަޒީރާއަށް ވަޑައިގެންނެވިތާ ގަޑިއެއްހާއިރު ފަހުން ސީސީޓީވީން ރިޕޯޓްކޮށްފައިވެ އެވެ.
ޗައިނާގެ މުހިންމު ބައެއްގެ ގޮތުގައި ބެއިޖިން ދެކޭ ސަރަހައްދަކަށް ޒިޔާރަތް ކުރަން މަސައްކަތް ނުކުރުމަށް ބެއިޖިން އިން ތަކުރާރުކޮށް އިންޒާރު ދިން ނަމަވެސް ޕެލޯސީ އަންގާރަ ދުވަހުގެ ވަގުތެއްގައި ޓައިޕޭއަށް ޖައްސާފައިވެ އެވެ.
“ޗައިނާގެ ޕީޕަލްސް ލިބަރޭޝަން އާމީ އޮތީ ހައި އެލާޓްގައި ކަމަށާއި އެމެރިކާގެ ނުފޫޒާ ދެކޮޅަށް އަމާޒުކޮށްގެން ސިލްސިލާ އަސްކަރީ އޮޕަރޭޝަންތަކެއް ފަށާނެ ކަމަށާއި، ގައުމީ އިސްތިގުލާލާއި ސަރަހައްދީ ނަޒާހަތްތެރިކަން ސާބިތުކަމާއެކު ދިފާއުކޮށް، ބޭރުގެ ތަދައްޚުލުވުމާއި ‘ޓައިވާންގެ މިނިވަންކަން’ ވަކިވުމަށް ކުރާ މަސައްކަތްތައް ވަރުގަދަކުރާނަން،” ޗައިނާގެ ޑިފެންސް މިނިސްޓްރީގެ ތަރުޖަމާނު ވޫ ކިއަން އިތުރު ތަފްސީލެއް ނުދީ ބުންޏެވެ.
ޗައިނާގެ ޑިފެންސް މިނިސްޓްރީން ނެރުނު ބަޔާނެއްގައި ޗައިނާގެ އީސްޓަން ތިއޭޓަރ ކޮމާންޑުން ވަނީ ޓައިވާންގެ ކަނޑުގެ ސަރަހައްދުގައި ޖޮއިންޓް އަސްކަރީ ޑްރިލްތަކާއި ޓައިވާން ސްޓްރެއިޓްގައި ލައިވް ފަޔަރިންގ އާއި ޓައިވާންގެ އިރުމަތީ ކަނޑުގައި މިސައިލް ޓެސްޓް ލޯންޗް ކުރާނެކަން އިއުލާންކޮށްފައެވެ. މި ތަމްރީނުތައް ފެށީ ބުދަ ދުވަހުގެ ވަގުތެއްގައި ކަމަށްބުނެ ޗައިނާގެ ސީސީޓީވީ ޝޯތަކުން ފޫޓޭޖްތައް ދައުރުކޮށްފައިވެ އެވެ.
“ޓާގެޓް ކުރެވިފައިވާ އަސްކަރީ އޮޕަރޭޝަންތަކުގައި” ހިމެނޭނީ ސީދާ ކޮން އެއްޗެއްކަން އަދި އެއީ އީސްޓަން ތިއޭޓަރ ކޮމާންޑުން އިއުލާންކުރި ސިލްސިލާ ޑްރިލްތައް ތޯ ސާފެއް ނުވެ އެވެ.
އަސްކަރިއްޔާގެ މި ވާހަކަތަކުގައްޔާއި، ޗައިނާގެ ފޮރިން މިނިސްޓްރީން ނެރުނު ބަޔާނުގައި ތަކުރާރުކޮށް، ޕެލޯސީގެ ދަތުރުފުޅަކީ “ޗައިނާގެ އިސްތިގުލާލާއި ސަރަހައްދީ ނަޒާހަތްތެރިކަމާ” “ސީރިއަސް” ޚިލާފެއް ކަމަށް ބުނެ އެވެ. އެ އޮފިޝަލް އެ ޖަޒީރާއަށް ވަޑައިގަތުމަކީ “ޓައިވާން ސްޓްރެއިޓް ހުރަސްކޮށް ސުލްހައާއި ހަމަޖެހުމަށް ބުރޫއަރާ، އަދި ވަކިވަކިން އުޅޭ ބާރުތަކަށް ‘ޓައިވާން މިނިވަންވުމަށް’ ވަރަށް ގޯސް ސިގްނަލެއް ފޮނުވާ ކަމެއް،” ޗައިނާގެ ޑިފެންސް މިނިސްޓްރީން ބުނެފައިވެ އެވެ.
ޕެލޯސީ ޓައިވާނަށް ވަޑައިގެންނެވީ އޭނާގެ ދަތުރުފުޅާ ގުޅޭ ގޮތުން ގިނަ ދުވަސްތަކެއް ވަންދެން ޔަގީންކަން ނެތުމާއި، އެމެރިކާގެ މަތީ އޮފިޝަލުންގެ ފަރާތުން ފުށުއަރާ ސިގްނަލްތަކެއް ލިބުމުން އަންގާރަ ދުވަހުގެ ރޭ ދަންވަރު އެވެ. ސިންގަޕޫރު، މެލޭޝިއާ، ދެކުނު ކޮރެއާ އަދި ޖަޕާން ހިމެނޭ ގޮތަށް ސްޕީކަރުގެ އޭޝިއާ ދަތުރުގެ ރަސްމީ މަންޒިލްތަކުގެ ތެރޭގައި ޓައިވާން ހިމަނާފައެއް ނުވެ އެވެ.
މި ދަތުރުފުޅުގެ ސަބަބުން މިހާރުވެސް މި ސަރަހައްދުގައި އަސްކަރީ ހަރަކާތްތައް ވަރަށް ބޮޑަށް އިތުރުވެފައިވާއިރު، ހަފްތާ ބަންދުގައި ބެއިޖިން އިން ވަނީ ޓައިވާން ސްޓްރެއިޓް ހުރަސްކޮށް އޮންނަ އިރުދެކުނު ޕްރޮވިންސް ފުޖިއަންގެ އައްސޭރީގައި ލައިވް ފަޔަރ ޑްރިލްތައް ބާއްވާނެކަމަށް ބުނެފައެވެ.
އެމެރިކާއިން ވެސް އެ ޖަޒީރާ ކައިރީގައި އަސްކަރީ ބާރުތައް އިތުރުކޮށްފައިވާއިރު، އެ ޖަޒީރާގެ ޔޫއެސްއެސް ރޮނާލްޑް ރީގަން ކެރިއަރ ސްޓްރައިކް ގްރޫޕް މިހާރު ދަތުރުކުރަމުންދަނީ ޓައިވާނުގެ އިރުދެކުނު ކަނޑުތަކަށް ކަމަށް ވެސް ރިޕޯޓްތައް ބުނެއެވެ.
