ޖިއްދާ – ސައުދީ އަރަބިއްޔާއިން މިދިޔަ ހޮނިހިރު ދުވަހު ސައުދީން ބޭރުގެ ފުރަތަމަ ޢުމުރާވެރިން އައުމުން މަރުހަބާ ކިޔާފައިވާއިރު، މިއީ އާ އިސްލާމީ އަހަރަށް އުމްރާ ސީޒަން ފެށުނު ދުވަހެއް ކަމަށް ސައުދީ ޕްރެސް އެޖެންސީން ބުނެފި އެވެ.
އާ އުމްރާ ސީޒަން ހޮނިހިރު ދުވަހު ފެށިއިރު، ޖުލައި މަހުގެ 14 ވަނަ ދުވަހުން ފެށިގެން ކިންގްޑަމްގެ ކަމާބެހޭ ފަރާތްތަކަށް ވިސާއަށް އެދޭ ފޯމުތައް ދިޔައީ ލިބެމުން ކަމަށް ރިޕޯޓްކޮށްފައިވެ އެވެ.
ސައޫދީގެ ޙައްޖު އޮތޯރިޓީން ބުނީ ކްރައުން މެނޭޖްމަންޓް ޕްލޭންތަކާ އެއްގޮތަށް ހިދުމަތްތައް ފޯރުކޮށްދިނުމަށް ތައްޔާރީތައް ވަރަށް އަވަހަށް ފެށި ކަމަށާއި މައްކާގެ ބޮޑު މިސްކިތާއި ގޯތިތެރޭގައި ހައްޖުވެރިންނަށް އުމްރާ ރިޗުއަލްތައް ފަސޭހަކަމާއި ހަމަޖެހުމާއެކު ފަސޭހަކޮށްދިނުމަށް ތައްޔާރުކުރި ކަމަށެވެ.
އަދި މިއަހަރުގެ ހައްޖު ދުވަސް ނިމުމުން އުމްރާ ސީޒަން އެނބުރި އައުމާ ގުޅިގެން ރާވާފައިވާ ގޮތުގެ މަތިން ހިދުމަތްތައް ތައްޔާރުކޮށްފައިވާ ކަމަށާއި އެއްވެ އުޅޭ މީހުން އޮމާންކަމާއެކު ދަތުރުކުރެވޭނެ ގޮތަށް ވަކި ސަރަހައްދުތަކާއި އެންޓްރެންސްތައް ކަނޑައަޅާފައިވާ ކަމަށް ވެސް ބުނެފައިވެ އެވެ.
ކޮމެންޓް (0)
ލޯޑް ކުރަމުން...