ދިވެހިރާއްޖޭގެ ވެރިކަމުގެ ނިޒާމަށާއި ޤާނޫނުއަސާސީއަށް އިޞްލާޙީ ބަދަލުތަކެއް ގެނައުމަށްޓަކައި ކުރީގެ ރައީސް މުޙައްމަދު ނަޝީދާއި ކުރީގެ ޗެއާޕާސަން ފައްޔާޒް އިސްމާޢީލް އެކުލަވާލެއްވި "ބޮޑު ބަދަލު" ސިޔާސަތު، އެމްޑީޕީގެ 5 ވަނަ ކޮންގްރެސްގެ ބޮޑު އަޣުލަބިއްޔަތަކުން މިއަދު ފާސްކޮށްފިއެވެ.
މި ސިޔާސަތާ ގުޅޭގޮތުން ވާހަކަދައްކަވަމުން ފައްޔާޒް ވިދާޅުވީ، މިހާރު ޢަމަލުކުރަމުންދާ ނިޒާމުގެ ތެރެއިން ދައުލަތުގެ ބާރުތައް ވަކިވެފައި އޮންނަ މިންވަރާއި "ޗެކް އެންޑް ބެލެންސް" ނިޒާމު ފުރިހަމައަށް މަސައްކަތް ނުކުރާ ކަމަށެވެ. އަދި އޭގެ ބަދަލުގައި ހުރިހާ ބާރެއް ރައީސުލްޖުމްހޫރިއްޔާއަށް ޖަމާވެފައިވާތީ، ޙަޤީޤީ މާނައިގައި ބާރުތައް ވަކިކޮށް ރައްޔިތުން ބާރުވެރިކުރުވަން މި ބަދަލު މުހިންމު ކަމަށް އޭނާ ފާހަގަކުރެއްވިއެވެ.
މުހިންމު ސިޔާސަތުތަކަކާއި އަސާސީ ޤަވާޢިދަށް ބޮޑެތި އިޞްލާޙުތަކެއް ގެނައުމަށް ފަހު، ކުރިއަށްދިޔަ އެމްޑީޕީގެ ކޮންގްރެސްގެ އެންމެ ފަހުގެ ސެޝަންތައް ކުރިއަށް ގެންގޮސް މިރޭ ރަސްމީކޮށް ނިންމާލުމަށް ވަނީ ހަމަޖެހިފައެވެ.
ކޮމެންޓް (0)
ލޯޑް ކުރަމުން...