އަރަބިކަނޑުގައި އުފެދިފައިވާ ތޫފާން ‘ޓައުޓޭ’ގެ ސަބަބުން ރާއްޖޭގެ ސަރަހައްދަށް މިހާރު ކުރަމުންދާ ވިއްސާރައިގެ އަސަރު މިރޭން ފެށިގެން ކުޑަވާން ފަށާނެ ކަމަށް މޫސުމާ ބެހޭ ގައުމީ އިދާރާއިން ބުނެފިއެވެ.
އެ އިދާރާއިން ބުނީ ތޫފާން “ޓައުޓޭ” މިވަގުތު ހުރީ ހއ. ތުރާކުނުގެ އުތުރުން ގާތްގަނޑަކަށް 400 މޭލު ދުރުގައި ކަމަށެވެ. މި ތޫފާނުގެ ނުސީދާ އަސަރު ރާއްޖެއަށް ކުރަމުން ދާއިރު އެ އިދާރާއިން ބުނީ ތޫފާނުގެ ސަބަބުން ކުރަމުންދާ އަސަރު ކުޑަވި ނަމަވެސް މިއީ ހުޅަނގު މޫސުން ކަމަށް ވުމާއެކު ކުރިއަށް އޮތް 24 ގަޑިއިރު ވެސް ރާއްޖޭގެ އެކި ހިސާބުތަކަށް ވިއްސާރަ ކުރާނެ ކަމަށެވެ.
އެހެންކަމުން ހއ.އަތޮޅުން ފެށިގެން ރ.އަތޮޅަށް މިއަދުވެސް ވަނީ ރީނދޫ އެލަރޓް ނެރެފައެވެ. މިއަދު އެ ހިސާބުތަކަށް 25-30 މޭލަށް ވައިގަދަވާނެ ކަމަށް ލަފާކުރެއެވެ.
ކޮމެންޓް (0)
ލޯޑް ކުރަމުން...