“ޖުމްޢާ މުބާރަކް (މުބާރަކާ)”ގެ ޙުކުމް އެނގޭތަ؟

ސުވާލު:

ހުކުރުދުވަހަށް ޚާއްޞަ ކޮށްގެން “ޖުމްޢާ މުބާރަކް (މުބާރަކާ)” މިހެން ތަހުނިޔާ ކިޔުމުގެ ޙުކުމަކީ ކޮބައިތޯ؟

ޖަވާބު:

“ޖުމްޢާ މުބާރަކާ” : ނަބިއްޔު ﷺ އަރިހުން ޘާބިތު ސުންނަތެއް މިކަމުގައި އަހަރެމެންނަށް އެނގޭން ނެތެވެ. އަދި އަޞްޙާބުބޭކަލުންގެ އަރިހުންވެސް އެވެ. އަދި ކިއެއްހެއްޔެވެ؟ މިއީ މި ޙަދީޘް ގައި ނަންގެނެވިގެންވާފަދައިން އޭނާ އަލަށް އުފައްދާފައިވާ ބިދުޢައެކެވެ:

 مَنْ أَحْدَثَ فِي أَمْرِنَا هَذَا مَا لَيْسَ فِيهِ فَهُوَ رَدٌّ

އަހަރެމެންގެ މި (އިސްލާމް) ކަމުގައި، އޭގައި ނުވާ ކަމެއް އުފައްދައިފި މީހެއް، ފަހެ އެޢަމަލު ވަނީ ރައްދުވެވިގެންނެވެ. (އެބަހީ: اﷲ އެނާފުށުން އެޢަމަލު ޤަބޫލުނުކުރައްވައެވެ.)

މަޞްދަރު: ޝައިޚް ޢަބްދުލް ޢަޒީޒް، އަލްޚުޟައިރް.

އަހަރެން ބުނަމެވެ: މިކަމަކީ އާދަޔަކަށް ނުހަދައި، ދުޢާއެއް ފަދަ ގޮތަކަށް: މިސާލަކަށް ދިވެހިން ޢާންމުކޮށް ކިޔައިއުޅޭހެން “ބާއްޖަވެރި ހެނދުނެއް” ނޫނީ “ބާއްޖަވެރި ހުކުރެއް” ، މިހެން ބުނުން، ބިދުޢައެއްގެ ތެރެއަށް ނުވަދެއެވެ. އެހެނަސް ކޮންމެ ހުކުރަކަށް ތަކުރާރުކޮށް، ތަހުނިޔާ ކިޔުން: ޢިލްމުވެރިން މަނައު ކުރައްވަނީ މިއެވެ. الله أعلم.

އިތުރު ތަފްޞީލު: އިސްލާމް ސުވާލާއި ޖަވާބު ފަތުވާ ނަމްބަރު 134741

އަދި އަލްޢުލްވާން

 އަދި އައްޠަރީފީ

 އަދި އިސްލާމްވެބް ފަތުވާ 80288