އިތުރުމީހަކު އަނެއްކާވެސް ހިމަބިއްސަށް ޕޮޒިޓިވްވެއްޖެ
ހިމަބިއްސަށް މިއަދު ސްކްރީން ކުރި 10 މީހުންގެ ތެރެއިން އެކަކު ޕޮޒިޓިވްވެފައިވާކަމަށާއި އެއީ އެބައްޔަށް މިހާތަނަށް ޕޮޒިޓިވްވި 3 ވަނަ މީހާކަމަށް އެޗްޕީއޭއިން ވިދާޅުވެއްޖެއެވެ.
އެޗްޕީއޭ އިން ވިދާޅުވީ އެ މީހާ އާއިއެކު މިހާތަނަށް 3 މީހުންވަނީ ހިމަބިއްސައް ޕޮސިޓިވްވެފައިކަމަށެވެ. އަދި މި ފަރާތްތަކަށް އެޗްޕީއޭގެ ޚާއްސަ ބެލުމުގެދަށުންދަނީ ފަރުވާދެމުންނެވެ.
ރާއްޖޭއިން ނައްތާލާފައިވާ ހިމަބިހީގެ ފުރަތަމަ ކޭސް ފެނިފައިވަނީ މިދިޔަ ހޮނިހިރު ދުވަހުއެވެ. މި ބަލި ފުރަތަމަ ފެނިފައިވަނީ 3 އަހަރުގެ ކުއްޖެއްގެ ގައިންނެވެ. އަދި އިއްޔެވަނީ 30 އަހަރުގެ ފިރިހެނެއްވެސް ހިމަބިއްސައް ޕޮސިޓިވްވެފައެވެ.
އެޗްޕީއޭއިން ވިދާޅުވެފައި ވަނީ ޕޮސިޓިވްވި ފަރާތްތަކުގެ ތެރޭގައި ހިމެނޭ 3 އަހަރުގެ ކުޑަ ކުއްޖާއަކީ ވެކްސިން ޑޯޒް ފުރިހަމަ ކޮށްފައި ނުވާ ކުއްޖެއްކަމަށެވެ.
އަދި އަތޮޅުތަކުގައި މި ބަލި ހުރިތޯ ދެނެގަތުމުގެ މަސައްކަތްވެސް ފަށާފައިވާކަމަށް މިނިސްޓްރީ ންވަނީ ބުނެފައެވެ.
