ކޮވިޑް ޖެހިގެން އިތުރު 2 މީހުން ނިޔާވެއްޖެ
ކޮވިޑް-19 ޖެހިގެން މިއަދު އިތުރު ދެމީހަކު ނިޔާވެއްޖެކަމަށް އެޗްޕީއޭއިން މަޢުލޫމާތު ދެއްވައިފިއެވެ.
މައުލޫމާތު ލިބިފައިވާ ގޮތުގައި ކޮވިޑް ޖެހިފައި ނިޔާވެފައި ވަނީ އުމުރުން 93 އަހަރުގެ ދިވެހި ފިރިހެނަކާއި 82 އަހަރުގެ ދިވެހި އަންހެނެކެވެ.
Today at 08:00 am (6/06/21) an 82-year-old Maldivian female admitted at HMF has passed away
This is the 184th COVID-19 death in the Maldives
Our thoughts and prayers are with the bereaved family. May Allah grant her soul eternal peace in heaven.— Health Protection Agency (@HPA_MV) June 6, 2021
ކޮވިޑް ޖެހިގެން ނިޔާވި ދެމީހުންގެ ތެރެއިން 93 އަހަރުގެ މީހާ ނިޔާވެފައި ވަނީ ރޭ 00:47 ގައެވެ. 82 އަހަރުގެ މީހާ ނިޔާވެފައި ވަނީ މިއަދު ހެނދުނު 08:00 ގައެވެ.
ނިޔާވި ދެމީހުންނަށް ވެސް ފަރުވާ ދެމުން އައީ ހުޅުމާލޭގައި ހުންނަ ކޮވިޑް ފެސިލިޓީގައެވެ.
ކޮވިޑް ޖެހިގެން ނިޔާވި މީހުންގެ ޖުމްލަ އަދަދު މިހާރު ވަނީ 184 އަށް އަރާފައެވެ.
ކޮވިޑް-19 އަށް ރާއްޖެ އިން ފައްސިވާ މީހުންގެ އަދަދު ފާއިތުވި ހަފްތާއެއްހާ ދުވަހު ވަރަށް ބޮޑަށް މަދުވެފައި ވީނަމަވެސް ކޮވިޑް ޖެހިގެން ނިޔާވާ މީހުންގެ އަދަދު މަދުވަމުންނެއް ނުދެއެވެ. އިއްޔެ ވެސް ކޮވިޑް ޖެހިގެން ހަތަރު މީހަކު ނިޔާވިއެވެ.
