ކޮވިޑް-19 ޖެހިގެން މިއަދު އިތުރު ދެމީހަކު ނިޔާވެއްޖެކަމަށް އެޗްޕީއޭއިން މަޢުލޫމާތު ދެއްވައިފިއެވެ.
މައުލޫމާތު ލިބިފައިވާ ގޮތުގައި ކޮވިޑް ޖެހިފައި ނިޔާވެފައި ވަނީ އުމުރުން 93 އަހަރުގެ ދިވެހި ފިރިހެނަކާއި 82 އަހަރުގެ ދިވެހި އަންހެނެކެވެ.
ކޮވިޑް ޖެހިގެން ނިޔާވި ދެމީހުންގެ ތެރެއިން 93 އަހަރުގެ މީހާ ނިޔާވެފައި ވަނީ ރޭ 00:47 ގައެވެ. 82 އަހަރުގެ މީހާ ނިޔާވެފައި ވަނީ މިއަދު ހެނދުނު 08:00 ގައެވެ.
ނިޔާވި ދެމީހުންނަށް ވެސް ފަރުވާ ދެމުން އައީ ހުޅުމާލޭގައި ހުންނަ ކޮވިޑް ފެސިލިޓީގައެވެ.
ކޮވިޑް ޖެހިގެން ނިޔާވި މީހުންގެ ޖުމްލަ އަދަދު މިހާރު ވަނީ 184 އަށް އަރާފައެވެ.
ކޮވިޑް-19 އަށް ރާއްޖެ އިން ފައްސިވާ މީހުންގެ އަދަދު ފާއިތުވި ހަފްތާއެއްހާ ދުވަހު ވަރަށް ބޮޑަށް މަދުވެފައި ވީނަމަވެސް ކޮވިޑް ޖެހިގެން ނިޔާވާ މީހުންގެ އަދަދު މަދުވަމުންނެއް ނުދެއެވެ. އިއްޔެ ވެސް ކޮވިޑް ޖެހިގެން ހަތަރު މީހަކު ނިޔާވިއެވެ.
ކޮމެންޓް (0)
ލޯޑް ކުރަމުން...