16 އަހަރުގެ ކުއްޖަކަށް ޖިންސީ ގޯނާ ކުރި މައްސަލައިގައި މީހަކު ހައްޔަރުކޮށްފި
މެދުރާއްޖެތެރޭ ރަށެއްގައި 16 އަހަރުގެ އަންހެން ކުއްޖަކަށް ޖިންސީ ގޯނާ ކުރި މައްސަލައިގައި ދިވެހި ފިރިހެނަކު ހައްޔަރުކޮށްފިއެވެ.
ފުލުހުން ވިދާޅުވީ، މި މައްސަލައިގައި ކޯޓް އަމުރެއްގެ ދަށުން 38 އަހަރުގެ ދިވެހި ފިރިހެނަކު ރޭ ހައްޔަރުކޮށްފައިވާ ކަމަށެވެ. މި މީހާ ހައްޔަރުކުރީ ކޮން ތަނަކުން ކަމެއް ފުލުހުން ނުބުނެއެވެ.
ފުލުހުން ވިދާޅުވީ، ނޯތު ސެންޓްރަލް ޑިވިޒަން (ކ. އއ. އދ. ވ) އަތޮޅު ހިމެނޭ ރަށެއްގައި 18 އަހަރު ނުފުރޭ ކުޑަ ކުއްޖަކަށް ޖިންސީ ގޯނާ ކުރި މައްސަލައެއް މި މަހުގެ 29 ވަނަ ދުވަހު ފުލުހުންނަށް ހުށަހަޅާފައިވާ ކަމަށެވެ.
މިމައްސަލަ އާއި ގުޅިގެން ބަލަން ޖެހޭ ކަންކަން ފުލުހުން ބަލަމުން ގެންދާ ކަމަށް ފުލުހުން ވިދާޅުވެފައިވާއިރު، މިމައްސަލަ އާއި ގުޅިގެން މިހާތަނަށް އެއްވެސް މީހަކު ހައްޔަރު ކޮށްފައި ނުވާ ކަމަށްވެސް ފުލުހުން ވިދާޅުވިއެވެ.
ރާއްޖޭގައި ޖިންސީ ގޯނާ ކުރުމާއި ފުރައްސާރަ ކުރުމުގެ މައްސަލަތައް އިތުރު ވަމުން އަންނައިރު، މިދިޔަ އަހަރު 17 އަހަރުގެ އަންހެން ކުއްޖަކަށް ބެލެކްމެއިލްކޮށްގެން ފުރައްސާރަ ކުރާ މައްސަލައެއްގައި ޒުވާނަކަށް ދައުވާކުރަން ޕްރޮސިކިއުޓަރ ޖެނެރަލްގެ އޮފީހަށް ފޮނުވުމަށްޓަކައި ކުރަންޖެހޭ އެންމެ ފަހުގެ މަސައްކަތްތައް ކުރަމުންދާކަމަށް ފުލުހުން އިއްޔެ ވަނީ ވިދާޅުވެފައެވެ.
ކުޑަކުދިންނަށް ލިބިދޭންޖެހޭ ރައްކާތެރިކަން ލިބިދޭންޖެހޭނެ. އެހެނަސް ކުޑަކުއްޖަކަށްވާ ޢުމުރަކީ ކޮބައިބާ؟ ލޯބީގެ ގޮތުން ފިރިހެނުންނާއި ގޮތްގޮތަށް އުޅޭނެގޮތަކަށް އުޅެ ބަހައްޓާފައި އެމީހަކަށް ހުރިހާ އަނިޔާއެއް. އެހިސާބުން ތިމާ ކުޑަކުއްޖެއް.
ހަދާފައިވާ ވަޟުޢީ ޤާނޫނެއްގެ ސަބަބުން އެތައް ބަޔަކަށް ނުޙައްޤުން އަނިޔާލިބެނީ. އުޅޭނެގޮތަކަށް ތިމާމެން އުޅެ ބަހައްޓާފަ އެހެން މީހުންގެ ބޮލުގައި ކަންކަން އަޅުވަންވީ. އިސްލާމްދީނުގައި ބާލިޣުވުމާއިއެކު އޭނާ އެވަނީ ބޮޑު މީހަކަށްވެފައި. ކުޑަކުއްޖެކޭ އިސްލާމީ ޝަރީޢަތުގައި ނުކިޔާނެ. ﷲ ތަޢާލާގެ ޝަރީޢަތް ފިޔަވައި އެހެން ޝަރީޢަތްތައް ގެނެސްގަންނަ މީހުންގެ ނުބައި ކަމާއެވެ. ފުލުހުންވެސް ތަޙުޤީޤު ކުރަނީ އެއްފަޅިއަށް ބުރަވެ. ދެކޮޅު ބެލުމެއް ނެތް މުއައްސަސާއެއް.