ޔޫރޯ 2024: ހަމަ ހަގީގަތުގައި ވެސް ރޮނާލްޑޯ ރޮއްވާލައިފި
ޔޫރޯ 2024 ގެ ކުއާޓަރ ފައިނަލްގައި ޕޯޗުގަލް ބަލިވުމާއެކު، ކްރިސްޓިއާނޯ ރޮނާލްޑޯގެ ބައިނަލްއަޤްވާމީ ކެރިއަރ ނިމުމަކަށް އައިސްފިކަމަށް ބެލެވެއެވެ. 39 އަހަރުގެ ރޮނާލްޑޯއަށް މި މުބާރާތުގައި އެއްވެސް ލަނޑެއް ނުޖެހުނެވެ. އަދި ޕެނަލްޓީ ޝޫޓްއައުޓް ފިޔަވައި އެހެން ވަގުތެއްގައި ލަނޑެއް ޖެހުމަށް ނާކާމިޔާބުވިއެވެ.
ޕޯޗުގަލް ވަނީ ފްރާންސްއާ ދެކޮޅަށް ކުޅުނު މެޗުގައި 0-0 އިން އެއްވަރުވުމަށްފަހު، ޕެނަލްޓީ ޝޫޓްއައުޓުން 5-3 އިން ބަލިވެފައެވެ. އިތުރުވަގުތުގައި ރޮނާލްޑޯއަށް ލަނޑުޖެހުމުގެ ފުރުސަތެއް ލިބުނު ނަމަވެސް އެ ފުރުސަތު ބޭކާރުވެގެން ދިޔައެވެ. އެހެންނަމަވެސް ޕެނަލްޓީ ޝޫޓްއައުޓުގައި އޭނާ ލަނޑެއް ޖަހާފައިވެއެވެ.
ޕޯޗުގަލްގެ ކޯޗު ރޮބަޓޯ މާޓިނެޒް ވިދާޅުވީ ރޮނާލްޑޯގެ ބައިނަލްއަޤްވާމީ މުސްތަޤުބަލާމެދު މިހާރު ވާހަކަދެއްކުމަކީ އަވަސްވެގަތުން ކަމަށެވެ. ރޮނާލްޑޯ ވަނީ އެންމެ ގިނަ ބައިނަލްއަޤްވާމީ މެޗު (212) ކުޅުމާއި އެންމެ ގިނަ ލަނޑު (130) ޖެހުމުގެ ރެކޯޑު ހަދާފައެވެ.
2003 ވަނަ އަހަރު ޕޯޗުގަލްގެ ޤައުމީ ޓީމަށް ފުރަތަމަ ކުޅުނު ރޮނާލްޑޯ ވަނީ 6 ޔޫރޯ ޗެމްޕިއަންޝިޕެއްގައި ބައިވެރިވެ، 2016 ގައި ޗެމްޕިއަންކަން ހޯދާފައެވެ. މީގެ އިތުރުން އޭނާ ވަނީ 5 ވޯލްޑް ކަޕެއްގައި ބައިވެރިވެފައެވެ. އޭގެ ތެރެއިން 2006 ގެ ވޯލްޑް ކަޕްގެ ސެމީ ފައިނަލަށް ދިއުމަކީ ޕޯޗުގަލްގެ އެންމެ ރަނގަޅު ނަތީޖާއެވެ.
21 އަހަރު ދުވަހުގެ ރޮނާލްޑޯގެ ބައިނަލްއަޤްވާމީ ކެރިއަރގައި ޕޯޗުގަލް އެއްވެސް ވޯލްޑް ކަޕަކަށް ހޮވިފައި ނުވާ އަހަރެއް ނެތެވެ. މިހާރު ސައުދީ އަރަބިއާގެ އަލް ނަސްރު ކްލަބަށް ކުޅެމުންދާ ރޮނާލްޑޯ ވަނީ 5 ބެލޯން ޑި’އޯރ އެވޯޑު ހޯދާފައެވެ.
މިހުރިހާ ކާމިޔާބީ ތަކާއެކުވެސް ޔޫރޯއިން ލިބުނު ނާކާމިޔާބީއާއެކު ރޮނާލްޑޯ ރޭގެ މެޗުން ބަލިވުމާއެކު ވަނީ ހަމަ ހަގީގަތުގައިވެސް ރޮއްވާލައިފިއެވެ.
