އުރުދުންއާއެކު ޖޮއިންޓް އިންޑަސްޓްރިއަލް ޒޯނެއް ގާއިމްކުރުމަށް އިސްރާއީލުން މަސައްކަތް ކުރަނީ

އުރުދުންއާ އެކު ޝެއަރޑް އިންޑަސްޓްރިއަލް ޒޯނެއް ގާއިމް ކުރުމުގެ މަސައްކަތް އަވަސް ކުރާނެ ކަމަށް އިސްރާއީލުން ބުނެފި އެވެ.

އުރުދުން ގޭޓްވޭ ޕާކް ހަދައި ހިންގުން އަވަސް ކުރުމަށް ނިންމީ އުރުދުންއާ އެކު އެއްބާރުލުން ދިނުމުގެ ގޮތުން ކަމަށް ސަރުކާރުން އިތުރަށް ބުނެ އެވެ.

މި މަޝްރޫއު އެންމެ ފުރަތަމަ ހުށަހެޅީ 1994 ވަނަ އަހަރު ސޮއިކުރި އުރުދުން-އިސްރާއީލް ސުލްހައިގެ މުއާހަދާއާ ބެހޭ މަޝްވަރާތަކުގައި ކަމަށާއި، މި މަސައްކަތުގެ އެންމެ ފަހުގެ ތަފްސީލުތައް ދެއްވުމަށް މިދިޔަ ހަފްތާގައި ލަޕީޑް އައްމާނަށް ކުރެއްވި ދަތުރުފުޅުގައި ރަސްގެފާނު އަބްދުالله ދެވަނައާ ބައްދަލުކުރެއްވި އެވެ.

“އުރުދުންއާއެކު ސުލްހައިގެ އެއްބަސްވުން ހެދިތާ 28 އަހަރު ފަހުން އަޅުގަނޑުމެންގެ ދެ ގައުމުގެ މެދުގައި އޮތް ރަނގަޅު އަވަށްޓެރި ގުޅުން އިތުރު ފިޔަވަޅެއް ކުރިއަށް ގެންދަނީ،” އިސްރާއީލުގެ ބޮޑުވަޒީރު ޔައީރު ލަޕީޑް ވިދާޅުވި އެވެ.

“މިއީ މި ސަރަހައްދު ތަރައްގީކޮށް ހަރުދަނާ ކުރުމަށް ވަރަށް ބޮޑު ދައުރެއް އަދާކުރާނެ ކުރިއެރުމެއް. މި އިސްނެގުމާ ގުޅޭ އެންމެ ފަހުގެ ތަފްސީލުތަކަށް މިދިޔަ ހަފްތާގައި އައްމާނަށް ރަސްގެފާނު އަބްދުﷲ ދެވަނަ އާއި އެކު އަޅުގަނޑު ކުރި ދަތުރުފުޅުގައި ވަނީ އަލިއަޅުވާލާފައެވެ.”

ލަޕީޑް ވިދާޅުވީ މިމަސައްކަތުގެ ސަބަބުން ދެ ގައުމުގައި ވެސް ވަޒީފާ އިތުރުވެ، އިގްތިސާދީ އަދި ޑިޕްލޮމެޓިކް ގުޅުން ކުރިއަރުވައި، އުރުދުން އާއި އިސްރާއީލާ ދެމެދު އޮންނަ ސުލްހައާއި އެކުވެރިކަން އިތުރުވެގެންދާނެ ކަމަށެވެ.

“މިއީ ބޯޑަރުގައި ޖޮއިންޓް އިންޑަސްޓްރިއަލް ޒޯނެއް. އެއީ އިސްރާއީލާއި އުރުދުންގެ ވިޔަފާރިވެރިންނާއި ވިޔަފާރިވެރިންނަށް ސީދާ މުއާމަލާތް ކުރެވޭނެ ގޮތް ހެދުމެވެ. އެއީ ވިޔަފާރިއާއި ޓެކްނޮލޮޖީއާއި، ލޯކަލް އިންޑަސްޓްރީގައި ޖޮއިންޓް އިނިޝިއޭޓިވްތަކެއް އުފައްދާނެ ކަމެއް.”

އެ ނިންމުމުގައި ހިނގާބިނގާވެ އުޅޭ މީހުންނަށް ޚާއްސަކޮށްގެން ޖޯޑަން ގޭޓްވޭ ޕާކް ޓާމިނަލް ހިންގުން ކުރިއަށް ގެންދިއުން ހިމެނޭއިރު، އެއީ ވެސް މި އިސްނެގުމާއި އުރުދުންގެ ފަރާތުގައި ހުންނަ އިންޑަސްޓްރިއަލް ޒޯނަށް ޝައުގުވެރިވާ ވިޔަފާރިވެރިންނަށް ހުރަސްކުރާނެ ތަނެކެވެ.

އިސްރާއީލް އެއާޕޯޓްސް އޮތޯރިޓީން ޖޯޑަން ގޭޓްވޭ ޕާކް ޓާމިނަލް ހަދައި ހިންގުމަށް ހަމަޖެހިފައިވަނީ ބަޖެޓުގެ އެއްބަސްވުންތަކާއި ކްނެސެޓް އިކޮނޮމިކްސް ކޮމިޓީގެ ރުހުން ލިބިގެންނެވެ.

އެގޮތުން ވިޔަފާރީގެ ބޭނުމަށް ޖޯޑަން އިން އަންނަ އެގްޒެކެޓިވުންނާއި މެހެމާނުން ހޯސްޓް ކުރެވޭނެ ފެސިލިޓީއެއް ހިމެނޭނެ އެވެ.

އެންޓްރެންސް ފެސިލިޓީއެއް ހަދަން ވަގުތުން އެޅުމާއި ޕާކް ހިންގުމަށް ބޭނުންވާ އޮނިގަނޑުތައް އިވެލުއޭޓް ކުރާއިރު ނިންމުމަށް ވަސީލަތްތައް ދޫކުރާނެ ކަމަށް ސަރުކާރުން އިތުރަށް ބުންޏެވެ.