ހިތަށް ހަނާ ނާޅާށެވެ

ހިތަށްތިޔަހެން ހަނާއަޅަމުން ކަލާތިކުރާ ކަމެއްބުނެދީ

       ހިތަށްއިތުރަށް ތުރާނުމެދީ އެދޭބޭނުން މަށަށްބުނެދީ

މަވެސްހަމަ ބޭނުމޭއެނގިލަން ވެގެންތިއުޅޭ ގޮތެއްރަނގަޅަށް

     ތިވެސްގޮތެކޭ ހިތައިގެންއަދު އުޅެންދައްޗޭ މަށަށްބުނެދީ

ތިހެންއެކިއެކި ދިމާއިންފެނި ތިހެންތިހަދާ ސިހުރުތަކަކުން

         މިހެންއުޅުމަށް ތުރާވާގޮތް ވަމުންދާތީ މަށަށްބުނެދީ

ކަމެއްކުރުމަށް އުޅޭއިރުގައި ނިޔަތްވެސް ސާފުވާން ޖެހެޔޭ

       ނަމެއްނުލިބޭ ގޮތެއްއޮތްތޯ ބަލަންޖެހެޔޭ މަށަށްބުނެދީ

ގަހެއްގައިއިން މަލެއްފެނުމުން އެއަށްއެދިހުރެ ހަނާއެޅުމުން

       ލަހެއްނުވެ އަޑު އަރައިގެންދޭ އެހެންވީމާ މަށަށްބުނެދީ

ހިތަށްސިއްރެއް ނުކުރެވޭނޭ ހިތަށް ކެކުޅުން ލިބޭނަމައީ

      ހިތަށްއަނިޔާ ތިހެންނުދިނުން އެދޭތިއްޔޭ މަށަށްބުނެދީ

ހިތުގެހުރި ޙާލު ބުނެދީގެން ޝިފާހޯދަން އުޅުން ރަނގަޅޭ

      ހިތުން ތިކުރާ ސަމާސާގައި ހިތަށްވާގޮތް ތެދަށްބުނެދީ