އިނގިރޭސި ޕްރިމިއާ ލީގުގެ ފޯރިގަދަ މެޗުތައް އެއްވަރުވެ، އާސެނަލް ތާވަލުގެ ކުރީގައި

އިނގިރޭސި ޕްރިމިއާ ލީގުގައި ރޭ ކުޅުނު ފުރަތަމަ ހަތަރު މެޗު ވެސް އެއްވަރުވެގެން ނިމިއްޖެއެވެ.

ލިވަޕޫލާއި ލީޑްސް ޔުނައިޓެޑް ބައްދަލުކުރި މެޗާއި، މެންޗެސްޓާ ސިޓީ އާއި ސަންޑަލެންޑް އަދި ބްރެންޓްފޯޑާއި ޓޮޓެންހަމް ބައްދަލުކުރި މެޗުތައް ނިމުނީ އެއްވެސް ޓީމަކަށް ލަނޑެއް ނުޖެހި 0-0 އިން އެއްވަރުވެގެންނެވެ. ކްރިސްޓަލް ޕެލަސް އިން ލީޑު ނަގާފައިވަނިކޮށް، ފުލަމް އިން ވަނީ ފަހަތުން އަރައި 1-1 އިން މެޗު އެއްވަރުކޮށްފައެވެ.

މި މެޗުތަކުގައި ފާހަގަކޮށްލެވޭ ފުރުސަތުތަކެއް ލިބި ބޭނުން ނުކުރެވުނުއިރު، ލިވަޕޫލްގެ އެކިޓީކޭ އާއި ވާޓްޒް އަދި ވެން ޑައިކަށް ލަނޑު ޖަހާނެ ރަނގަޅު ފުރުސަތުތަކެއް ލިބުނެވެ. އަދި ލީޑްސްގެ ކަލްވެޓް-ލެވިން އާއި ސިޓީގެ ބެނާޑޯ ސިލްވާ ޖެހި ލަނޑުތައް ވީއޭއާރް އިން ބެލުމަށްފަހު ވަނީ އޮފްސައިޑް ކަމަށް ނިންމާފައެވެ. ސިޓީ އާއި ސަންޑަލެންޑް މެޗުގައި ދެ ޓީމުގެ ކީޕަރުން ކަމަށްވާ ޑޮނަރުންމާ އާއި ރޮއެފްސް ވަނީ ގިނަ ހަމަލާތަކެއް ދިފާއުކޮށްފައެވެ.

ލީގުގެ ކޮންމެ ޓީމަކަށް 19 މެޗު ހަމަވިއިރު، ތާވަލުގެ އެއްވަނައިގައި 45 ޕޮއިންޓާއެކު އޮތީ އާސެނަލްއެވެ. އާސެނަލް އޮތީ ދެވަނައިގައި އޮތް މެންޗެސްޓާ ސިޓީއަށްވުރެ ހަތަރު ޕޮއިންޓް ކުރީގައެވެ. ތާވަލުގެ ތިންވަނައިގައި 39 ޕޮއިންޓާއެކު އެސްޓަން ވިލާ އޮތްއިރު، ލިވަޕޫލް ހަތަރުވަނައިގައި އޮތީ 33 ޕޮއިންޓް ހޯދައިގެންނެވެ. މި ނަތީޖާތަކާއެކު ލީގުގެ ކުރީގައި އޮތް ޓީމުތަކުގެ މެދުގައި އޮތް ފަރަގު ވަނީ ކުޑަވެފައެވެ.