ނަޝީދު ވަކިކުރުމަށްވޯޓު ހޯދާ ނަމަ، ރައީސް ސޯލިހު ވަކިކުރުމަށް ޓަކައި މަސައްކަތް ފަށާނަން: އާޒިމް
ރައީސް ނަޝީދު ވަކިކުރުމަށްވޯޓު ހޯދާ ނަމަ، ރައީސް ސޯލިހު ވަކިކުރުމަށް ޓަކައި މަސައްކަތް ފަށާނެކަމުގެ އިންޒާރު އާޒިމް ދެއްވައިފިއެވެ.
މެދު ހެންވޭރު ދާއިރާގެ މެމްބަރު އާޒިމް ކުރެއްވި ޓުވީޓެއްގައި ވިދާޅުވީ ރައްޔިތުންގެ މަޖިލީހުގެ ރައީސްކަމުން ރައީސް ނަޝީދު ވަކިކުރުމަށްޓަކައި ވޯޓު ހަމަކުރަން މަސައްކަތް ފަށައިފި ނަމަ، ރަައީސް ސޯލިހުގެ އިތުބާރު ނެތްކަމުގެ ވޯޓު ހަމަކުރުމުގެ މަސައްކަތް ރައީސް ނަޝީދުގެ ފެކްޝަނުން ފަށާނެ ކަމަށެވެ.
Majlis ge Raees vakikurumahtakai vote hamakuraan masaiykaiy fashaifi nama Raees Solih ge ithubaaru neiy kamuge vote hama kurumuge masaiykaiy alhugadumenves fashaanan. @MDPSecretariat #FikureggeDhirun
— 𝐀𝐥𝐢 𝐀𝐳𝐢𝐦 (@aliaazim) February 25, 2023
އަލީ އާޒިމްގެ އެ ޓްވީޓަށް ބާރުދީ، އުނގޫފާރު ދާއިރާގެ މެމްބަރު މުހައްމަދު ވަހީދު (ވައްޑޭ) ވިދާޅުވީ އެގޮތަށް މަޖިލިސް ރައީސް ވަކިކުރަން ނުކެރޭނެ ކަމަށެވެ.
އާޒިމް އެހެން ވިދާޅުވީ، ރައްޔިތުންގެ މަޖިލީހުގެ ރައީސް، މުހައްމަދު ނަޝީދުގެ އިތުބާރު ނެތްކަމުގެ ވޯޓު ނަގަން ބޭނުންވާ އަދަދު ހަމަވެފައިވާ ކަމަށް އެމްޑީޕީ ޕީޖީ ގްރޫޕުގެ ލީޑަރު އަދި ހިތަދޫ އުތުރު ދާއިރާގެ މަޖިލިސް މެމްބަރު މުހައްމަދު އަސްލަމް ވިދާޅުވެފައި ވަނިކޮށެވެ.
