ޚަބަރު
11 ކިލޯއަށްވުރެ ގިނަ މަސްތުވާތަކެއްޗާއެކު 4 މީހަކު ހައްޔަރުކޮށްފި
11 ކިލޯ އަށްވުރެ ގިނަ މަސްތުވާތަކެއްޗާއެކު މާލެ ސަރަހައްދުން 4 މީހަކު ހައްޔަރުކޮށްފިއެވެ.
ކޮމިޝަނަރ އޮފް ޕޮލިސް މުހައްމަދު ހަމީދު ވިދާޅުވީ މަސްތުވާތަކެއްޗާއެކު މީހުން ހައްޔަރުކުރީ އިއްޔެ މާލެއާއި ހުޅުމާލޭގައި ހިންގި އޮޕަރޭޝަނެއްގައިކަމަށެވެ.
ކޮމިޝަނަރ ވިދާޅުވީ މި އޮޕަރޭޝަނުގައި މާލޭގެ އެއް ތަަނަކާއި ހުޅުމާލޭގެ 4 ތަނެއް ބަލައި، ފާސްކޮށް، 11.26 ކިލޯގެ ކެނަބިސް އަތުލައިގަނެވުނުކަމަށެވެ. އަދި މި އޮޕަރޭޝަނުގައި 4 މީހަކު ހައްޔަރުކޮށްފައިވާކަމަށްވެސް ކޮމިޝަނަރ ވިދާޅުވިއެވެ.
ކޮމިޝަނަރ ވިދާޅުވީ މި މައްސަލައިގެ ތަހުގީގު މިހާރު ކުރިއަށްދާކަމަށެވެ.
