ނަމާދު ކުރަން ހުއްޓާ އަނެއްނަމާދަށް ބަންގި ގޮވުމުން ދެން ހަދާނީ ކިހިނެއްތޯ؟
ސުވާލު:
ނަމާދަށް ހުއްޓާ އަނެއްނަމާދަށް ބަންގި ދޭން ފެށީމާ ނަމާދު ކުރުން ހުއްޓާލަން ޖެހޭނެތޯއެވެ. ނޫނީ އެ ނަމާދު ފުރިހަމަ ކުރާނީ ތޯއެވެ؟
ޖަވާބު:
ކުރަން ހުރި ނަމާދު ފުރިހަމަ ކުރާނީއެވެ.
ޖަވާބު ދެއްވީ : ޑރ. މުޙައްމަދު އިޔާޟް ޢަބުދުއްލަތީފް
ނަމާދާ މެދު ފަރުވާ ކުޑަނުކުރައްވާށެވެ.
އެއްވެސް އަޅުކަމަކަށް ދެވިފައިނުވާ މަޤާމެއް އިސްލާމްދީނުގައި ނަމާދަށްދެވިފައިވެއެވެ. ކީރިތި ރަސޫލާ ޞައްލައްﷲ ޢަލައިހި ވަސައްލަމް ޙަދީޘް ކުރެއްވިއެވެ.
” ދީނުގެ އަޞްލަކީ ނަމާދެވެ. އަދި އޭގެ ތަނބުތަކަކީ ނަމާދެވެ. އަދި އޭގެ ކުރިބޯއްޓަކީ ﷲގެ މަގުގައި ޖިހާދު ކުރުމެވެ. ” ( ރަވާޙު އައްތިރްމިޒީ ).
ނަމާދަކީ އަޅުކަންތަކުގެތެރެއިން އެންމެ ފުރަތަމަ ﷲ ވާޖިބު ކުރެއްވި އަޅުކަމެވެ. ކީރިތި ރަސޫލާ މިޢުރާޖަށް އަރައިވަޑައިގެންނެވި ރޭގައި އެއްވެސް ވާހިޠާއެއްނެތި އެކަލޭގެފާނުގެ މައްޗަށް މާތްﷲ އެނަމާދު ފަރުޟު ކުރެއްވިއެވެ.
އަދި ނަމާދަކީ ﷲ ގެ ޙައްޤު ތަކުގެ ތެރެއިން ޤިޔާމަތްދުވަހު އެންމެ ފުރަތަމަ އަޅާގެ ޙިސާބު ބެއްލެވޭނެ ޢަމަލެވެ.
