އަޤްޞާ މިސްކިތް ބަންދުކުރުމުން އިސްރާއީލު ސަރުކާރުގެ ކޯލިޝަންގައި މައްސަލަ ބޮޑުވެެއްޖެ

އަޤްޞާ މިސްކިތް ބަންދުކުރުމުން އިސްރާއީލު ސަރުކާރުގެ ކޯލިޝަންގައި މައްސަލަ ބޮޑުވެެއްޖެވެ.

އިސްރާއީލުގެ ސަރުކާރަކާ ގުޅުނު ފުރަތަމަ މިނިވަން އަރަބި ޕާޓީ ކަމަށްވާ ރާމް އިން ބުނީ އިތުރު އެންގުމެއް އަންގަންދެން އެ ޕާޓީގެ ބައިވެރިވުން ސަސްޕެންޑް ކުރީ އެ ޕާޓީ ބަލަހައްޓަމުން އަންނަ އިސްލާމިކް މޫވްމަންޓެއްގެ ލީޑާޝިޕް ކައުންސިލްގެ ކުއްލި ބައްދަލުވުމަކަށް ފަހު ކަމަށެވެ.

މި ނިންމުމުގެ ސަބަބުން ސަރުކާރަށް ސީދާ އަސަރެއް ނުކުރޭ: އިސްރާއީލުގެ ޕާލަމެންޓް މެއި މަހުގެ 8 ވަނަ ދުވަހާ ހަމައަށް ޗުއްޓީގައި އޮތް އިރު، އެ ދުވަހާ ހަމައަށް ވެސް ރާމް އަލުން ސަރުކާރާ ގުޅުމަށް ނިންމެވިދާނެ އެވެ. ނަމަވެސް ކުރިއަށް އޮތް ތިން ހަފުތާގެ ތެރޭގައި ރާމް އެ ނިންމުން ދާއިމީ ކޮށް ނިންމައިފި ނަމަ، 120 ގޮނޑި ހިމެނޭ ޕާލަމެންޓްގެ 64-56 ގޮނޑި އިދިކޮޅު މެމްބަރުންނަށް ލިބޭނެ އެވެ.

ރާމްގެ މި ފިޔަވަޅުން ދައްކުވައިދެނީ، އެޕާޓީގެ އައިޑިއޮލޮޖިކަލީ ތަފާތު ކޯލިޝަން އެއްގަލަކަށް އެރުވުމަށްޓަކައި، ބޮޑުވަޒީރު ނަފްޓަލީ ބެނެޓް، ކުރިއަށް ވަޑައިގަންނަވަން ޖެހިވަޑައިގަންނަވާނެ ކަމުގެ ޔަޤީންކަމެވެ.

މިދިޔަ ޖޫން މަހު އުފެއްދި މި ކޯލިޝަނަކީ، ފަސްވަނަ އިންތިޚާބަކުން ސަލާމަތްވުމަށާއި، އޭރުގެ ބޮޑުވަޒީރު ބެންޖަމިން ނަތަންޔާހޫއަށް ވެރިކަން ނުހިފެހެއްޓުމަށް ޓަކައި، ކަނާތު ފިޔައިގެ 8 ޕާޓީއާއި، ވާތުފިޔައިގެ ޕާޓީތަކާއި، ސެންޓްރަލް ޕާޓީތަކާއި، އަރަބި ޕާޓީތައް އެއްގަލަކަށް ނޭރުމަށް ކުޑަ ވެސް އެދުމެއް ނެތް ކޯލިޝަނެކެވެ.

ކަނާތު ފިޔައިގެ ގާނޫނު ހަދާ މަޖިލީހުގެ މެމްބަރެއް ކަމަށްވާ އިދިތު ސިލްމަން ކޯލިޝަނުން ވަކިވެވަޑައިގަތުމުން ސަރުކާރުގެ ތެރޭގައި މިމަހު ވަނީ ވަރަށް ބޮޑަށް ހޫނުވާން ފަށާފައެވެ. ރާމްއަށް އެއްވެސް އިނާޔަތެއް ދިނުމަކީ ކަނާތު ފިޔައިގެ ކޯލިޝަންގެ އެހެން މެމްބަރުން ސިލްމަންގެ ފަހަތުން އިދިކޮޅު ފަރާތްތަކަށް ދިއުމަށް ބާރު އެޅިދާނެ ކަމެކެވެ.

އާދީއްތަ ދުވަހުގެ ހެނދުނުގެ ވަގުތެއްގައި ހަމަނުޖެހުންތައް އިތުރުވީ، އިސްރާއީލުގެ އޮފިސަރުން، ޔަހޫދީން އަޅުކަންކުރާ މީހުންނާއި، ބޭރުގެ ފަތުރުވެރިން ކޮންމެ އާދީއްތަ ދުވަހެއްގެ ހެނދުނުން ފެށިގެން ބުރާސްފަތި ދުވަހުގެ ނިޔަލަށް އަލް-އަޤްޞާ މިސްކިތުގެ ހަރިންމަ ތެރެއަށް ވަނުމަށް ހަމަޖެހިފައި އޮތް ޒިޔާރަތެއްގައި، އަލް-އަޤްޞާ މިސްކިތުގެ ހަރިންމަ ތެރެއަށް މުސްލިމުން ވަނުން ހުއްޓުވުމުންނެވެ.

މި އާދަޔާ ޚިލާފު ފިޔަވަޅުގެ ސަބަބުން، އެ ކޮމްޕައުންޑާއި، ކައިރި އަވަށްތަކުގެ މަގުތަކުގައި ކުޑަ ކުރިމަތިލުންތަކެއް ހިނގައި، މަދުވެގެން 18 ފަލަސްޠީނު މީހުން ހައްޔަރު ކޮށްފައިވާއިރު، އޭގެ ތެރެއިން ބައެއް މީހުން ވަނީ ބަސް ތައް ފާސްކުރުމުގައި ގަލުން ތަޅައި، ކައިރި އަވަށެއްގައި ދީނީ ޔަހޫދީންނަށް ބޮން ގޮއްވުމާއި، އޮއްގާ އުކުމުގެ ސަބަބުން ވެސް ހަމަނުޖެހުން ތަކެއް ހިނގާފައެވެ.

ފަލަސްތީނުގެ އިމަޖެންސީ މެޑިކަލް ގްރޫޕެއް ކަމަށްވާ ފަލަސްތީނުގެ ރެޑް ކްރެސެންޓުން ބުނެފައިވަނީ، ފަލަސްތީނުގެ 17 މީހުން ޒަޚަމްވެފައިވާ ކަމަށާއި، އޭގެ ތެރެއިން ފަސް މީހުން ޒަޚަމްވީ ފުލުހުން ބަޑިޖަހައި ރަބަރު އުންޑަބޭނުންކޮށްގެން ކަމަށެވެ.