ޔޫކްރެއިންގެ ސިފައިން މަރިއުޕޯލްދިފާއު ކުރުމުގައި އެންމެ ފަހު ނޭވާއާ ހަމައަށް ހަނގުރާމަ ކުރާނެ: ބޮޑުވަޒީރު ޝްމައިހަލް
ޔޫކްރެއިންގެ ސިފައިން މަރިއުޕޯލްދިފާއު ކުރުމުގައި އެންމެ ފަހު ނޭވާއާ ހަމައަށް ހަނގުރާމަ ކުރާނެކަމުގައި ބޮޑުވަޒީރު ޝްމައިހަލް ވިދާޅުވެއްޖެއެވެ.
ޔޫކްރެއިންގެ ބޮޑުވަޒީރު އާދީއްތަ ދުވަހު ވިދާޅުވީ ސްޓްރެޓީޖިކް ޕޯޓް ސިޓީ މަރިއުޕޯލް އަދިވެސްއޮތީ ޔުކްރެއިންގެ ބާރުގެ ދަށުގައި ކަމަށާއި ރަޝިއާގެ ހަމަލާއިން އެ ސިޓީ ދިފާއުކުރުމަށް ވަށައިގެން ތިބި ސިފައިން އެންމެ ފަހު ވަގުތާޖެހެންދެންވެސް ހަނގުރާމަ ކުރާނެ ކަމަށެވެ.
ބޮޑުވަޒީރު އިންކާރު ޝްމިހަލް އޭބީސީ ނޫހަށް މިހެން ވިދާޅުވީ ހަނގުރާމަވެރިން ޖާނުން ފިދާވުމުގެ ހަމަލާތަކެއް ދޭނެކަމުގެ އިންޒާރު ދިންތާ ގަޑިއިރުތަކެއް ފަހުންނެވެ.
އަދިވެސް އަޅުގަނޑުމެންގެ ޢަސްކަރީ ފައުޖުތައް، އަޅުގަނޑުމެންގެ ސިފައިން އެބަތިބި. ފަހެ، އެއުރެން އެންމެ ފަހު ނޭވާއަށް ހަނގުރާމަކުރާނެތެވެ.” ބޮޑުވަޒީރު ވިދާޅުވިއެވެ.
ވަށާލެވިފައިވާ ޔޫކްރެއިންގެ ފައުޖުތަކަށް ކުރިމަތިވަމުންދާ ނާއުންމީދުހާލަތުގެ ނިޝާނެއްގެ ގޮތުން ޔޫކްރެއިންގެ ރައީސް ވޮލޮޑިމީރް ޒެލެންސްކީ ހޮނިހިރު ދުވަހު ވިދާޅުވީ އެ ސިފައިންތައް މަރާލައިފިނަމަ މޮސްކޯއާއެކު ބާއްވާ ސުލްހައިގެ ވާހަކަތައް އުވާލާނެ ކަމަށެވެ.
ރަޝިޔާގެ ރައީސް ވްލަޑިމިއަރ ޕޫޓިން ކުރިން ވިދާޅުވެފައިވަނީ މަޝްވަރާތައް އޮތީ ނިމުމެއް ގައި ކަމަށެވެ.
ޝްމިހަލް އާދީއްތަ ދުވަހު ވިދާޅުވީ ޔޫކްރެއިން އިން ބޭނުންވަނީ ޑިޕްލޮމެޓިކް ހައްލެއް ކުރެވެން އޮތް ނަމަ އެކަން ކުރަން ކަމަށާއި ނަމަވެސް “ރަޝިޔާ އިން މަޝްވަރާއަށް ނުރުހޭނަމަ އެންމެ ފަހު ނޭވާއާ ހަނގުރާމަ ކުރާނެކަމަށެވެ. ޔުކްރެއިންގެ ބިމުން އެންމެ އިންޗިއެއްވެސް ދޫނުކުރާނެކަމަށެވެ.
