ހޫތީންގެ ހަމަލާތަކާއި ގުޅިގެން ޔޫއޭއީގެ މިސައިލް ޑިފެންސް އިންޓަސެޕްޓަރތައް ތަރައްޤީކުރުމަށް އެމެރިކާއިން އެހީވަނީ

މެދުއިރުމަތީގެ އޮޕަރޭޝަންތައް ބެއްލެވި އެމެރިކާގެ ޖެނެރަލް ރޮއިޓާސް އަށް ވިދާޅުވި ގޮތުގައި ޔަމަނުގައި ހޫތީ ހަނގުރާމަވެރިން ގެ ހަމަލާތައް އާދަޔާ ޚިލާފަށް ގިނަވުމާ ގުޅިގެން، އަންނަ މިސައިލްތައް ވައްޓާލުމަށް ބޭނުން ކުރާ އިންޓަސެޕްޓަރުތައް އަލުން މަރާމާތު ކުރުމަށް އެމެރިކާ އިން ޔުނައިޓެޑް އަރަބް އެމިރޭޓްސް އަށް އެހީތެރިވެދޭނެ ކަމަށެވެ.

“އިންޓަސެޕްޓާތައް އަލުން އާރާސްތު ކުރުމަށް އެހީތެރިވެދޭނަން. އަދި ޔޫއޭއީގެ ދިފާއުގައި ޔޫއޭއީއަށް އެހީތެރިވުމަށް ކުރެވެން ހުރި ހުރިހާ މަސައްކަތެއް ކުރާނަން،” މި ހަފުތާގެ ކުރީކޮޅު އަބޫދާބީއަށް ކުރެއްވި ދަތުރުފުޅަށް ފަހު ދެއްވި އިންޓަވިއުއެއްގައި އެމެރިކާގެ ސެންޓްރަލް ކޮމާންޑްގެ ވެރިޔާ ޖެނެރަލް ފްރޭންކް މެކެންޒީ ވިދާޅުވި އެވެ.

މެކެންޒީ އިތުރު ތަފްސީލެއް ނުދެއްވައެވެ. ނަން ހާމަނުކުރުމަށް ޝަރުތުކޮށް ވާހަކަ ދެއްކި ޔޫއޭއީގެ ބޭފުޅަކު ވަނީ މިސައިލް ޑިފެންސް އިންޓަސެޕްޓަރތައް އަލުން އިއާދަކޮށްދިނުމަށް އެމެރިކާގައި އެދިފައި ވާކަމަށް ބުނެފައެވެ.

އެމެރިކާއިން އެންމެ ފަހުން އެޅި ފިޔަވަޅަކީ، ގައިޑެޑް މިސައިލް ޑިސްޓްރޯޔާއަކާއި، އެމެރިކާގެ އެފް-22 މަރުކާގެ ހަނގުރާމަމަތީ މަތިންދާ ބޯޓްތަކެއް ޔޫއޭއީއަށް ފޮނުވުމަށް ޕެންޓަގަންއިން މިދިޔަ ހަފްތާގައި އިޢްލާން ކުރި އިޢްލާންގެ އިތުރުން، އެމެރިކާއިން އެޅި ފިޔަވަޅެކެވެ. އަދި އާންމުން މަރުވުމުގެ ސަބަބުން ކޮންގްރެސްގައި ހިމެނޭ ގިނަ ގާނޫނު ހަދާ މަޖިލީހުގެ މެމްބަރުންގެ މެދުގައި ޔަމަނުގައި ހިނގަމުންދާ ހަނގުރާމައާ ދެކޮޅަށް ވަރުގަދަ ދެކޮޅުވެރިކަމެއް އުފެދިފައިވާ މި ދަނޑިވަޅުގައި، ދިފާއީ ގޮތުން އެއްބާރުލުން ދިނުމުގައި ވެސް ވަރަށް ގާތުން ބަލާނެ އެވެ.

މި ހަނގުރާމައިގެ ސަބަބުން އެތައް ހާސް ބަޔަކު މަރުވެ، އިންސާނީ ކާރިސާއެއް ވަނީ އުފެދިފައެވެ.

ހޫތީންގެ ހަމަލާތަކުގެ ސަބަބުން ޔަމަނުގައި ހިނގަމުންދާ ހަނގުރާމަ ނިމުމަކަށް ގެނައުމަށް އދ އިން މިހާތަނަށް ކުރި ނާކާމިޔާބު މަސައްކަތްތަކަށް ވަނީ އަލިއަޅުވާލައިފަ އެވެ. 2015 ވަނަ އަހަރުން ފެށިގެން ހޫތީން ވަނީ ޔޫއޭއީ ހިމެނޭ ގޮތަށް ސައުދީ އަރަބިއްޔާ އިސްވެ އޮވެ އުފައްދާފައިވާ އަސްކަރީ ކޯލިޝަނަކާ ދެކޮޅަށް ހޫތީން ނާކާމިޔާބާ ކުރިމަތިލާފަ އެވެ.

ސައުދީ އަރަބިއްޔާއާ ދެކޮޅަށް ހޫތީން ދޭ ހަމަލާތަކާ މެދު ވެސް ކަންބޮޑުވުން ފާޅުކުރައްވާފައިވާ މެކެންޒީ ވަނީ ޔަމަނުގެ މައްސަލާގައި އެމެރިކާގެ ސަވައިލެންސް ގާބިލްކަން ހުރި މިންވަރު ފާހަގަކޮށް، އެމެރިކާއިން ޔަމަނުގެ މައްޗަށް ބޮޑެތި ލިމިޓްތަކެއް ކަނޑައަޅައި ފިއްތުންތައް ކުރިމަތިކުރަމުންދާ ކަމަށް އިއުތިރާފުވެވަޑައިގެންފަ އެވެ.