އިތުރު 33 މީހުން މިއަދު ޕޮޒިޓިވްވެއްޖެ
ކޯވިޑް-19 : އިތުރު 33 މީހުން މިއަދު ޕޮޒިޓިވެއްޖެއެވެ. އެހެންކަމުން މިހާރު ފަރުވާދޭ މީހުންގެ އަދަދު 600އަށްއެރީއެވެ.
އެޗްޕީއޭއިން ވިދާޅުވީ ރޭގެ އިރުއޮއްސި 6:00ން މިރޭގެ އިރުއޮއްސި 6:00ށް ޕޮޒިޓިވްވި 33 މީހުންގެ ތެރޭގައި 23 ދިވެހިންނާއި، ބަންގްލަދޭޝްގެ 6 މީހުންގެ އިތުރުން އިންޑިއާގެ 4 މީހުން ހިމެނޭ ކަމަށެވެ. މިއާއިއެކު ރާއްޖޭގައި ކޯވިޑް-19 ޖެހުނު މީހުންގެ ޢަދަދު މިހާރު މިވަނީ 2999އަށް އަރާފައެވެ.
ފަހަކަށް އައިސް ބަލިޖެހޭ މީހުންގެ ޢަދަދު އިތުރުވާން ފަށާފައި ވާއިރު، ފަރުވާދޭ މީހުންގެ އަދަދު ވަނީ 600ށް އަރާފައެވެ.
މިއަދު ބަލިިން ރަނގަޅުވެފައި ވަނީ 7 މީހުންނެވެ. މިއާއިއެކު ބަލިން ޝިފާ ލިބުނު މީހުންގެ އަދަދު މިހާރު މިވަނީ 2369އަށް އިތުރުވެފައެވެ.
ރާއްޖެއިން ކޯވިޑް19 ފެނުނުތާ މިއަދަށް 135 ދުވަސްވެފައި ވާއިރު، ބަލި ހުރިތޯ ދެނެގަތުމަށް ރާއްޖޭގައި މިހާތަނަށް 67985 ސާމްޕަލް ވަނީ ނަގާފައެވެ.
