ވިހެއުމުން ދޭ ޗުއްޓީ އެސްޓީއޯގެ މުވައްޒަފުނަށް އިތުރުކޮށްފި
ވިހެއުމުން ދޭ ޗުއްޓީ އެސްޓީއޯގެ އަންހެން މުވައްޒަފުނަށް ހަ މަސް ދުވަހަށް އިތުރު ކޮށްފި އެވެ.
އެކަމާ ގުޅިގެން އެސްޓީއޯގެ މެނޭޖިން ޑިރެކްޓަރު ހުސައިން އަމުރު މުހައްމަދު ރަޝާދު ކުރެއްވި ޓުވީޓެއްގައި ވިދާޅުވީ، ރައީސް ސޯލިހް މިއަދު ނިންމެވި ނިންމެވުމަށް ތާއީދުކޮށް އެ ކުންފުނީގެ އަންހެން މުވައްޒަފުންނަށްވެސް މުސާރައާއެކު ވިހެއުމުން ހަ މަސް ދުވަހުގެ ޗުއްޓީ ދިނުމަށް ނިންމާފައިވާ ކަމަށެވެ. އަދި ފިރިހެން މުވައްޒަފުންނަށް އެއް މަސް ދުވަހުގެ ޗުއްޓީ ހަމަޖައްސައިފައިވާ ކަމަށް އޭނާ ވިދާޅުވިއެވެ.
އެސްޓީއޯގެ އަންހެން މުވައްޒަފުނަނަށް ވިހެއުމާ ގުޅިގެންދޭ ޗުއްޓީ ހަ މަސް ދުވަހަށް އިތުރުކޮށްފައި މިވަނީ، މިއަދު ރައީސް އިބްރާހިމް މުހައްމަދު ސޯލިހު ވަނީ ސިވިލް ސާވިސްގައި މަސައްކަތް ކުރާ އަންހެން މުވައްޒަފުންނަށް ވިހެއުމުން ދޭ ޗުއްޓީ ހަ މަސް ދުވަހަށް އިތުރު ކޮށްފައިވާ ކަމަށް އިއުލާން ކުރައްވާފައެވެ. ވިހެއުމުން އަންހެން މުވައްޒަފުންނަށް މުސާރައާ އެކު ހަ މަސް ދުވަހުގެ ޗުއްޓީ ދިނުމަކީ ރައީސް ސޯލިހްގެ ރިޔާސީ ވައުދެކެވެ.
ދައުލަތުގެ އެންމެ ބޮޑު ވިޔަފާރި ކުންފުނި، އެސްޓީއޯ އިން މިރޭ ކުރި ޓްވީޓެއްގައި ބުނީ، އެ ކުންފުނީގެ އަންހެން މުވައްޒަފުންނަށް ވިހެއުމުން ލިބޭ ޗުއްޓީ ގެ މުއްދަތު ހަ މަސް ދުވަހަށް އަދި ފިރިހެން މުވައްޒަފުންނަށް އަނބިމީހާ ވިހެއުމުން ލިބޭ ޗުއްޓީ ގެ މުއްދަތު އެއް މަސް ދުވަހަށް ބަދަލު ކޮށްފައިވާ ކަމަށެވެ.
