ގަވާއިދާ ހިލާފަށް ހަތިޔާރު ވިއްކާ މީހަކު 10 އަހަރަށް ޖަލަށްލައި، 272،000 ޑޮލަރުން ޖޫރިމަނާކޮށްފި

ގަވާއިދާ ހިލާފަށް ހަތިޔާރު ވިއްކާ މީހަކު 10 އަހަރަށް ޖަލަށްލައި، 272،000 ޑޮލަރަށް ވުރެ ބޮޑު އަދަދަކުން ޖޫރިމަނާކޮށްފިއެވެ.

އަބޫދާބީގެ ކްރިމިނަލް ކޯޓުން މިދިޔަ ބުދަ ދުވަހު ވަނީ ގަވާއިދާ ހިލާފަށް ހަތިޔާރު ޓްރެފިކް ކުރުމުގެ ތުހުމަތުގައި މީހަކު 10 އަހަރަށް ޖަލަށް ލުމަށާއި 272،255 ޑޮލަރު (އެއް މިލިއަން އޭއީޑީ) އިން ޖޫރިމަނާ ކުރަން ހުކުމްކޮށްފަ އެވެ.

ތުހުމަތު ކުރެވޭ މީހާ އަކީ ގަވައިދާ ހިލާފަށް ވަގު ވިޔަފާރި ކުރާ، މައިގަނޑު ގޮތެއްގައި ސަރުކާރުގެ ކަމާބެހޭ ފަރާތްތަކުގެ ލައިސަންސް ނެތި، ހަތިޔާރާއި ގޮވާތަކެތި ޓްރެފިކް ކުރުމުގެ އަމަލުތައް ހިންގާ، ސޯޝަލް މީޑިއާގައި ވިއްކުމަށް ހަތިޔާރު ބަހައްޓައި ގެންގުޅުނު މީހެއް ކަމަށް ތުހުމަތު ކުރެވޭ މީހާ އެވެ.

ގަވައިދާ ހިލާފަށް ހަތިޔާރު ވިއްކާ ފަރާތަށް ސިއްރު އޭޖެންޓަކު ގުޅައި، އެ އެޖެންޓަކީ ޕޮޓެންޝަލް ގަންނަ މީހެއްގެ ގޮތުގައި ހުށަހެޅި އެވެ.

އެމީހުން އެއްބަސްވީ އޭނާ ހައްޔަރުކުރުމުގެ ޕްލޭންގެ ދަށުން ހަތިޔާރުގެ އަގާއި ޑެލިވަރީ ލޮކޭޝަންތަކަށް ކަމަށް އެ ސަރަހައްދުގެ ނޫސްތަކުން ބުނެ އެވެ.

އެއަށްފަހު އެ މީހާ ހައްޔަރު ކުރީ ސިއްރު އެޖެންޓަކަށް އެ ހަތިޔާރު ޑެލިވަރީ ކުރުމުންނެވެ. އެއަށްފަހު ޕްރޮސެކިއުޓަރުން ވަނީ އޭނާ ހައްޔަރުކޮށް، އޭނާގެ ގެ ބަލާ ފާސްކުރުމުގެ އަމުރެއް ނެރެ، ބަޑިއާއި ގޮވާތަކެތި ހިމެނޭ ގޮތަށް އިތުރު ހަތިޔާރު ހޯދާފައެވެ.