ރެއާލް މެޑްރިޑްގެ ރައީސްކަމުގެ މަޤާމަށް 65 އިންސައްތަ ވޯޓާއި އެކު ފްލޮރެންޓީނޯ ޕެރޭޒް އަލުން އިންތިޚާބުވެވަޑައިގެންފިއެވެ.
އިއްޔެ ބޭއްވި މި އިންތިޚާބުގައި ޕެރޭޒަށް 21،741 ވޯޓު ލިބިވަޑައިގެންނެވިއިރު، އޭނާއާ ވާދަކުރެއްވި އެންރީކޭ ރިކޭލްމޭއަށް ލިބިވަޑައިގަތީ 11،814 ވޯޓެވެ (35 އިންސައްތަ). މި ކާމިޔާބީއާއެކު، އުމުރުން 79 އަހަރުގެ ޕެރޭޒް 2030 ވަނަ އަހަރުގެ ނިޔަލަށް ކްލަބުގެ ރައީސްކަމުގެ އިތުރު ދައުރެއް ފުރައްވާނެއެވެ.
ޕެރޭޒަކީ 21 ވަނަ ޤަރުނުގައި އެންމެ ގިނަ ދުވަހު ރެއާލްގެ ރައީސްކަން ކުރެއްވި ބޭފުޅާއެވެ. އޭނާ ވަނީ 2000 އިން 2006 އަށް އަދި 2009 އިން ފެށިގެން މިއަދާ ހަމައަށް އެ ޒިންމާ އަދާކުރައްވާފައެވެ. ޚާއްޞަ ގޮތެއްގައި ފާހަގަކޮށްލެވެނީ، މިއީ 2009 ވަނަ އަހަރަށްފަހު ޕެރޭޒާ ވާދަކުރަން ކެންޑިޑޭޓަކު ނުކުތް ފުރަތަމަ ފަހަރު ކަމެވެ. މީގެ ކުރީގެ ފަސް އިންތިޚާބު (2009، 2013، 2017، 2021، އަދި 2025) ވެސް އޭނާ ކާމިޔާބުކުރެއްވީ އިދިކޮޅު ކެންޑިޑޭޓަކު ނެތިއެވެ.
މިހާރު އޮތް ދައުރު ހަމަނުވަނީސް ޕެރޭޒް އައު އިންތިޚާބަކަށް ގޮވާލެއްވީ ކްލަބުގެ މިސްރާބު ސާފުކޮށް، އެތެރޭގެ މައްސަލަތައް ޙައްލުކުރުމަށްޓަކައި އައު ލީޑަޝިޕަކަށް މެންބަރުން ބޭނުންވޭތޯ ޔަގީންކުރުމަށެވެ. މިއީ 1995 ވަނަ އަހަރުން ފެށިގެން އޭނާ ވާދަވެރި އިންތިޚާބެއްގައި ވާދަކުރައްވައިގެން ކާމިޔާބު ހޯއްދެވި ތިންވަނަ ފަހަރެވެ. މީގެ ކުރިން 2000 ވަނަ އަހަރު އޭނާ ރައީސްކަމަށް ފުރަތަމަ އިންތިޚާބުވީ 55 އިންސައްތަ ވޯޓުންނެވެ.
ރެއާލް މެޑްރިޑްގެ ރައީސްކަމުގެ މަޤާމަށް 65 އިންސައްތަ ވޯޓާއި އެކު ފްލޮރެންޓީނޯ ޕެރޭޒް އަލުން އިންތިޚާބުވެވަޑައިގެންފިއެވެ.
އިއްޔެ ބޭއްވި މި އިންތިޚާބުގައި ޕެރޭޒަށް 21،741 ވޯޓު ލިބިވަޑައިގެންނެވިއިރު، އޭނާއާ ވާދަކުރެއްވި އެންރީކޭ ރިކޭލްމޭއަށް ލިބިވަޑައިގަތީ 11،814 ވޯޓެވެ (35 އިންސައްތަ). މި ކާމިޔާބީއާއެކު، އުމުރުން 79 އަހަރުގެ ޕެރޭޒް 2030 ވަނަ އަހަރުގެ ނިޔަލަށް ކްލަބުގެ ރައީސްކަމުގެ އިތުރު ދައުރެއް ފުރައްވާނެއެވެ.
ޕެރޭޒަކީ 21 ވަނަ ޤަރުނުގައި އެންމެ ގިނަ ދުވަހު ރެއާލްގެ ރައީސްކަން ކުރެއްވި ބޭފުޅާއެވެ. އޭނާ ވަނީ 2000 އިން 2006 އަށް އަދި 2009 އިން ފެށިގެން މިއަދާ ހަމައަށް އެ ޒިންމާ އަދާކުރައްވާފައެވެ. ޚާއްޞަ ގޮތެއްގައި ފާހަގަކޮށްލެވެނީ، މިއީ 2009 ވަނަ އަހަރަށްފަހު ޕެރޭޒާ ވާދަކުރަން ކެންޑިޑޭޓަކު ނުކުތް ފުރަތަމަ ފަހަރު ކަމެވެ. މީގެ ކުރީގެ ފަސް އިންތިޚާބު (2009، 2013، 2017، 2021، އަދި 2025) ވެސް އޭނާ ކާމިޔާބުކުރެއްވީ އިދިކޮޅު ކެންޑިޑޭޓަކު ނެތިއެވެ.
މިހާރު އޮތް ދައުރު ހަމަނުވަނީސް ޕެރޭޒް އައު އިންތިޚާބަކަށް ގޮވާލެއްވީ ކްލަބުގެ މިސްރާބު ސާފުކޮށް، އެތެރޭގެ މައްސަލަތައް ޙައްލުކުރުމަށްޓަކައި އައު ލީޑަޝިޕަކަށް މެންބަރުން ބޭނުންވޭތޯ ޔަގީންކުރުމަށެވެ. މިއީ 1995 ވަނަ އަހަރުން ފެށިގެން އޭނާ ވާދަވެރި އިންތިޚާބެއްގައި ވާދަކުރައްވައިގެން ކާމިޔާބު ހޯއްދެވި ތިންވަނަ ފަހަރެވެ. މީގެ ކުރިން 2000 ވަނަ އަހަރު އޭނާ ރައީސްކަމަށް ފުރަތަމަ އިންތިޚާބުވީ 55 އިންސައްތަ ވޯޓުންނެވެ.
