ރިޔާސީ އިންތިޚާބުގައި ވާދަ ނުކުރާނެކަމަށް ބައިޑެން ވިދާޅުވެއްޖެ
އެމެރިކާގެ ރައީސް ޖޯ ބައިޑެން ވަނީ 2024 ވަނަ އަހަރުގެ ރިޔާސީ އިންތިޚާބުގައި ވާދަ ނުކުރައްވާނެ ކަމަށް އިއުލާނު ކުރައްވާފައެވެ. މިކަން އެމަނިކުފާނު އިއުލާނު ކުރެއްވީ ޑިމޮކްރެޓިކް ޕާޓީގެ މެންބަރުންނާ މުޚާތަބު ކުރައްވައި ދެއްވި ބަޔާނެއްގައެވެ.
ބައިޑެން ވިދާޅުވީ އޭނާގެ ދައުރުގެ ބާކީ އޮތް މުއްދަތުގައި ރައީސްގެ ޒިންމާތަކަށް ފުރިހަމައަށް އަމާޒު ހިފުމަށްޓަކައި މި ނިންމުން ނިންމެވި ކަމަށެވެ. އަދި 2020 ވަނަ އަހަރު ޕާޓީގެ ކެންޑިޑޭޓެއްގެ ގޮތުގައި ހުންނަވައި އެންމެ ފުރަތަމަ ނިންމެވި ނިންމެވުމަކީ ކަމަލާ ހެރިސް ނައިބު ރައީސްގެ ގޮތުގައި ހޮވުން ކަމަށާއި، އެއީ އޭނާ ނިންމެވި އެންމެ ރަނގަޅު ނިންމެވުން ކަމުގައި ވެސް ވިދާޅުވިއެވެ.
My fellow Democrats, I have decided not to accept the nomination and to focus all my energies on my duties as President for the remainder of my term. My very first decision as the party nominee in 2020 was to pick Kamala Harris as my Vice President. And it’s been the best… pic.twitter.com/x8DnvuImJV
— Joe Biden (@JoeBiden) July 21, 2024
މީގެ އިތުރުން، ބައިޑެން ވަނީ މި އަހަރުގެ ރިޔާސީ އިންތިޚާބުގައި ޑިމޮކްރެޓިކް ޕާޓީގެ ކެންޑިޑޭޓެއްގެ ގޮތުގައި ކަމަލާ ހެރިސްއަށް ފުރިހަމަ ތާއީދާއި އެންޑޯސްމަންޓް ދެއްވާ ކަމަށް ވެސް އިއުލާނު ކުރައްވާފައެވެ. އަދި ޑިމޮކްރެޓުންނަށް ގޮވާލައްވާފައިވަނީ އެއްބައިވެ، ޓްރަމްޕް ބަލިކުރުމަށް މަސައްކަތް ކުރުމަށެވެ.
މި އިއުލާނާއެކު، އެމެރިކާގެ ސިޔާސީ މަޝްރަހު އަލުން ބައްޓަންވެގެންދާނެ ކަމަށް ބެލެވެއެވެ. އަދި ކުރިއަށް އޮތް ރިޔާސީ އިންތިޚާބުގައި ކަމަލާ ހެރިސް މުހިންމު ދައުރެއް އަދާކުރައްވާނެ ކަމަށް ވެސް ލަފާކުރެވެއެވެ.
