ފޭދޫ ޓްރެކުގައި 6 އަހަރުގެ ކުއްޖަކު ގެނބިގެން ނިޔާވެއްޖެ
އައްޑޫ ސިޓީ ފޭދޫ ޓްރެކުގައި 6 އަހަރުގެ ކުއްޖަކު ގެނބިގެން އިތުރު ފަރުވާ ދެމުން ދަނިކޮށް ނިޔާވެއްޖެއެވެ.
ފުލުހުން ވިދާޅުވީ އައްޑޫ ސިޓީ ފޭދޫ ޓްރެކް ސަރަހައްދުގައި ހުރި ރެސްޓޯރެންޓަކަށް ޢާއިލާއާއިއެކު ދިޔަ ކުޑަކުއްޖެއް ގެއްލިގެން ހޯދަމުން ދަނިކޮށް މޫދުތެރޭ އޮތް ކަމަށް މިއަދު 17:50 ހާއިރު، ފުލުހުންނަށް މައުލޫމާތު ލިބިފައިވާކަމަށެވެ.
އެކުއްޖާ މޫދުން ނަގައިގެން ފޭދޫ ސިއްޚީ މަރުކަޒަށް ގެންގޮސް ފަރުވާ ދިނުމަށްފަހު އިތުރު ފަރުވާއަށް އައްޑޫ އިކުއަޓޯރިއަލް ހޮސްޕިޓަލުގައި ފަރުވާ ދެމުން ދަނިކޮށް ނިޔާވެފައިވާކަމަށް ހޮސްޕިޓަލުން މައުލޫމާތު ދީފައިވާކަމަށް ފުލުހުން ވިދާޅުވިއެވެ. ނިޔާވެފައިވަނީ އުމުރުން 6 އަހަރުގެ ފިރިހެން ކުއްޖެކެވެ.
ނިޔާވީ އެރަށަށް ނިސްބަތްވާ ކުއްޖެއް ކަމަށް މައުލޫމާތު ލިބެއެވެ.
މިހާދިސާއާއި ގުޅިގެން ބަލަންޖެހޭ ކަންކަން ބަލަމުންދާކަމަށް ފުލުހުން ވިދާޅުވިއެވެ.
