އިސްރާއީލްގައި ހިނގަމުންދާ މުޒަހަރާތަކާ ގުޅިގެން ދިފާއީ ވަޒީރު މަޤާމުން ވަކިކޮށްފި
ޔަހޫދީ އިސްރާއީލްގެ ބޮޑުވަޒީރު ނަތަންޔާހޫއާއި ހިތްހަމަ ނުޖެހިގެން އެޤައުމުގެ ރައްޔިތުން މަގުތަކަށް ނުކުމެ ކުރަމުންދާ މުޒަހަރާތަކާއި ގުޅިގެން ދިފާއީ ވަޒީރު މަޤާމުން ވަކިކޮށްފިއެވެ.
ބޮޑުވަޒީރު ބެންޖަމިން ނަތަންޔާހޫ ކުއްލިއަކަށް ޑިފެންސް މިނިސްޓަރު ވަކިކުރެއްވީ އާދީއްތަ ދުވަހު އެވެ. އެ އިއުލާނާ ގުޅިގެން ދިހަހާސް މީހުން ޓެލްއަވީވްގެ މަގުތަކަށް ނުކުމެ، މައި ހައިވޭއެއް ބަންދުކޮށްފައިވެ އެވެ.
ވަޒީފާއިން ވަކިކުރުމުން ނަތަންޔާހޫ މި ހަފްތާގައި އޯވަހޯލް ޕްލޭން ކުރިއަށް ގެންދާނެ ކަމުގެ އިޝާރާތެއް ލިބިގެންދިޔައިރު، އެ ޕްލޭންގައި ގިނަ ބަޔަކު މުޒާހަރާކޮށް، އަސްކަރީ އަދި ވިޔަފާރިވެރިން ރުޅިގަދަވެ، އިސްރާއީލުގެ އެކުވެރިންގެ މެދުގައި ކަންބޮޑުވުންތައް އުފެދިފައިވެ އެވެ. ޑިފެންސް މިނިސްޓަރު ޔޯއަވް ގަލަންޓް އަކީ ސަރުކާރު ހިންގާ ލިކުޑް ޕާޓީގެ ފުރަތަމަ އިސް މެންބަރުން އެ ޕްލޭނާ ދެކޮޅަށް ވާހަކަ ދެއްކެވި ބޭފުޅާ އެވެ.
ނަތަންޔާހޫގެ އޮފީހުން ނެރުނު ކުރު ބަޔާނެއްގައި ބުނެފައިވަނީ ބޮޑުވަޒީރު ގަލަންޓް މަގާމުން ވަކިކޮށްފައިވާ ކަމަށެވެ. ނަތަންޔާހޫ ފަހުން ކުރެއްވި ޓްވީޓެއްގައި ވިދާޅުވީ “އަޅުގަނޑުމެން އެންމެންވެސް އިންކާރުކުރުމާ ދެކޮޅަށް ވަރުގަދައަށް ތެދުވާން ޖެހޭނެ” ކަމަށެވެ.
ނަތަންޔާހޫގެ އިއުލާނަށް ފަހު ދިހަހާސް ޔަހޫދީ އިސްރާއީލުން މުޒާހަރާކޮށް މަގުމައްޗަށް ނުކުމެ، ޓެލް އަވީވްގެ މައި ލޭނާރު ބަންދުކޮށް، އަޔަލޯން ހައިވޭ އިސްރާއީލުގެ ހުދު ދިދަތަކުގެ ކަނޑަކަށް ބަދަލުކޮށް، މަގުގެ މެދުގައި ބޮޑު އަލިފާންގަނޑެއް ރޯކޮށްލި އެވެ. ބަރަޝެބާ، ހައިފާ އަދި ގުދުސްގައި މުޒާހަރާތައް ކުރިއަށް ގެންގޮސްފައިވާއިރު، އެތަންތަނުގައި އެތައް ހާސް ބަޔަކު ވަނީ ނަތަންޔާހޫގެ އަމިއްލަ ގެކޮޅުގެ ބޭރުގައި އެއްވެފައެވެ.
