ލޭ ހަދިޔާކޮށްދޭން އެދިއްޖެ
ކޮވިޑް-19 ގެ ވޭދަނަތައް އިތުރުވުމާއެކު ލޭ ހޯދަން ދަތިވެފައިވާ ކަމަށް މޯލްޑިވްސް ބްލަޑް ސާވިސް އިން ހާމަކޮށްފިއެވެ.
އެ ސާވިސް އިން ކުރި ޓުވީޓެއްގައި ބުނީ މާލެ ސަރަހައްދުގައި ކޮވިޑްގެ ވޭދަނަތައް އިތުރުވެފައިވާ މި ދަނޑިވަޅުގައި ލޭ ލިބުން ވަރަށް ދަތިވެފައިވާ ކަމަށެވެ. މި ދަނޑިވަޅުގައި އާންމުން ލޭ ހަދިޔާކޮށްދެއްވުމަށްވެސް އެ ސާވިސް އިން ވަނީ އެދިފައެވެ.
With the increase in number of COVID cases in greater Malé region, we are having a shortage of blood at our blood bank. We urge the public to come forward and donate blood to save a life. @AdhadhuMV @Mihaarunews @psmnewsmv @raajjemv @VaguthuOnline @DhiyaresNews @JazeeraBrk
— Maldivian Blood Services (@MBS_mv) January 27, 2022
ރާއްޖޭގެ ލޭ އަޅާ މީހުންގެ އާބާދީ ގިނަ އިން އުޅޭ އިރު އެކި އޮޕަރޭޝަންތަކަށާއި ބަލިތަކުގެ ސަބަބުން ވެސް ލޭ އަޅާ މީހުން ތިބެއެވެ. ކޮވިޑްގެ ސަބަބުން މިފަދަ ވަރަށް ގިނަ ފަރާތްތަކަކަށް ލޭ ހޯދުމަށް ވަނީ ދަތިތަކާ ކުރިމަތިލާން ޖެހިފައިކަން ފާހަގަ ކުރެވެއެވެ.
ކޮވިޑަށް ފައްސިވުމަށް ފަހު ރަނގަޅުވާ މީހުންނަށް ލޭ ހަދިޔާ ކުރެވޭނީ އެމީހާ ރަނގަޅުވާ ދުވަހުން ފެށިގެން އެއް މަސް ދުވަސް ފަހުންނެވެ. އަދި ކޮވިޑް ޖެހިފައިވާ ފަރާތަކާއި ބައްދަލުވެފައިވާ ފަރާތެއްނަމަ ކަރަންޓީނު ނިމުމުން ބަލީގެ އަލާމާތެއް ނެތް ނަމަ ލޭ ހަދިޔާ ކުރެވޭނެއެވެ.
