ޕްރައިވެޓް ޑްރޯންގެ ހުރިހާ ހަރަކާތެއް ޔޫއޭއީއިން ހުއްޓާލައިފި
ޔުނައިޓެޑް އަރަބް އެމިރޭޓްސްއިން ޖެނުއަރީ މަހުގެ 22 ވަނަ ދުވަހުން ފެށިގެން ލައިޓް ސްޕޯޓްސް އެއާކްރާފްޓްތައް ހިމެނޭ ގޮތަށް ޑްރޯންގެ މިލްކުވެރިންނާއި، ޕްރެކްޓިޝަނަރުންނާއި، ޑްރޯންތަކަށް ލޯބިކުރާ ފަރާތްތަކުން ކުރާ ހުރިހާ އުދުހުންތަކެއް ހުއްޓާލާފައިވާ ކަމަށް އެގައުމުގެ ދާޚިލީ ވުޒާރާއިން ނެރުނު ބަޔާނެއްގައި ބުނެފައި ވެއެވެ.
އެ މިނިސްޓްރީގެ ޓްވިޓާ އެކައުންޓުން ކުރި ޓުވީޓެއްގައި ބުނީ އެގޮތަށް ނިންމީ “ޖެނެރަލް އޮތޯރިޓީ ފޯ ސީވިއަލް އޭވިއޭޝަންއާ ގުޅިގެން އަދި ގައިޑްލައިންތަކާ އެއްގޮތްވާ ގޮތުގެ މަތިން” ކަމަށާއި އެކަން މަނާކުރުމުގައި ވައިގެ މަގުންނާއި ސެއިލް ކުޅިވަރުތައް ވެސް ހިމެނޭ ކަމަށެވެ.
ދާޚިލީ ވުޒާރާއިން ބުނީ މި ނިންމުން ނިންމާފައިވަނީ ފަހަކަށް އައިސް ޑްރޯންގެ ބޭނުން ނަހަމަ ގޮތުގައި ބޭނުން ކުރަމުންދާތަން ފެނިފައިވާތީ، “މި ކުޅިވަރުތައް ބޭނުންކުރާ ފަރާތްތަކުގެ ހުއްދަ އޮންނަ ސަރަހައްދުތަކަށް މި ކުޅިވަރުތައް ޕްރެކްޓިސް ކުރުމާއި، މި ބާވަތުގެ ހަރަކާތްތައް ހިންގުން މަނާ ސަރަހައްދުތަކަށް ވަދެ ނުކުމެ އުޅުމުގެ އަމަލުތައް” ލިމިޓް ކުރުމަށް ފަހުގައި ކަމަށެވެ.
ޑްރޯން ބޭނުންކޮށްގެން ފޮޓޯ ނެގުމުގެ މައްޗަށް ބަރޯސާވާ ވޯކް ކޮންޓްރެކްޓް ނުވަތަ ކޮމާޝަލް ނުވަތަ އިޝްތިހާރު ކުރުމުގެ މަޝްރޫއުތައް ހިންގާ އިދާރާތަކަށް ބަލާއިރު، “ހުއްދަ ދޭ އިދާރާތަކާ މުއާމަލާތް ކުރަން ވާނީ، އެ އިދާރާއެއްގެ މަސައްކަތްތައް ކުރިއަށް ގެންދިޔުމަށް ބޭނުންވާ އެކްސްޕެކްޓޭޝަންތަކާއި ހުއްދަތައް ނެގުމަށެވެ.”
އެމްއޯއައި އިން ބުނީ ގައިޑްލައިންތަކަށް އިހުމާލުވުމަކީ ގާނޫނީ ޒިންމާތަކެއް އުފުލަން ޖެހޭނެ ކަމެއް ކަމަށެވެ.
