ދޯހާގައި ކުރިއަށްދާ އެމެރިކާއާއި ތާލިބާނުންގެ މަޝްވަރާތަކުގެ ދެވަނަ ބުރަށް ޕާކިސްތާނުން މަރުހަބާ ކިޔައިފި
އަފްޣާނިސްތާނު ގައި ތާލިބާނުންނާ އެމެރިކާއާ ދެމެދު ކުރިއަށް ގެންދާ މަޝްވަރާތަކުގެ ދެވަނަ ބުރަކަށް ޕާކިސްތާނުން “މަރުހަބާ” ކިޔާފައިވާ ކަމަށް އެ ގައުމުގެ ހާރިޖީ ވުޒާރާގެ ތަރުޖަމާނަކު ވިދާޅުވެއްޖެ އެވެ.
ވެރިރަށް އިސްލާމްއާބާދުގައި ބުރާސްފަތި ދުވަހު ބޭއްވި ނޫސްވެރިންގެ ބައްދަލުވުމެއްގައި އެމްއޯއެފްއޭގެ ތަރުޖަމާނު އާސިމް އިފްތިޚާރު ވަނީ، ތާލިބާނުންގެ ސަރުކާރާ އެކު ދުނިޔޭގެ މުޖުތަމައުން މުއާމަލާތް ކުރަން ޖެހޭ ކަމަށް އެ ގައުމުން ބުނާ ގޮތް ތަކުރާރު ކުރައްވާފައެވެ.
“[އެމެރިކާ-ތާލިބާން މަޝްވަރާތަކަކީ] ތަރައްގީއަށް މަރުހަބާ ކިޔާނެ، އަހަރެމެން ބުނަމުން ދިޔަ ފަދައިން، އަފްޣާނިސްތާނަށް ކުރިމަތިވެފައިވާ ގޮންޖެހުންތަކުން އަރައިގަތުމަށް އެހީތެރިވެދިނުމުގެ ގޮތުން، އަފްޣާނިސްތާނާއެކު ބައިނަލްއަގްވާމީ މުޖުތަމައާ ގުޅުން ބަދަހިކުރުމަށް ހިތްވަރުދީ، ވަކާލާތު ކުރަމުން އަންނަ މަޝްވަރާތަކެއް،” އިފްތިޚާރު ވިދާޅުވި އެވެ.
އަފްޣާނިސްތާނާއި ޕާކިސްތާނާ ބެހޭ އެމެރިކާގެ ހާއްސަ މަންދޫބު ޓޮމް ވެސްޓް އަންނަ ހަފްތާގައި ތާލިބާނުންގެ އޮފިޝަލުންނާ އެކު ބާއްވާ ދެ ދުވަހުގެ މަޝްވަރާތަކަށް ގަތަރުގެ ވެރިރަށް ދޯހާއަށް ވަޑައިގަންނަވާނެ ކަމަށް އެމެރިކާގެ ޚާރިޖިއްޔާގެ ތަރުޖަމާނު ނެޑް ޕްރައިސް އަންގާރަ ދުވަހު ވިދާޅުވެއްޖެ އެވެ.
ޕްރައިސް ވިދާޅުވީ މަޝްވަރާތަކުގެ އެޖެންޑާވެގެންދާނީ އަފްޣާނިސްތާނުގައި އެމެރިކާއިން ގެންގުޅޭ “މުހިންމު ގައުމީ މަސްލަހަތު” ކަމަށާއި އޭގެ ތެރޭގައި ޓެރަރިޒަމާ ދެކޮޅަށް މަސައްކަތް ކުރުން ހިމެނޭ ކަމަށާއި އޭގެ ތެރޭގައި އެމެރިކާގެ ރައްޔިތުންނަށާއި އަފްޣާނިސްތާނުގެ ރައްޔިތުންނަށް ރައްކާތެރި ކަމާއެކު ދަތުރުކުރެވޭނެ މަގު ތައް ވެސް ހިމެނޭ ކަމަށާއި އޭގެ ތެރޭގައި އިންސާނީ އެހީއާއި ގައުމުގެ އިގްތިސޯދީ ހާލަތު ވެސް ހިމެނޭ ކަމަށެވެ.
ބުރާސްފަތި ދުވަހު އަފްޣާނިސްތާނުގެ ޚާރިޖީ ވުޒާރާއިން ވަނީ ވަގުތީ ޚާރިޖީ ވަޒީރު އާމިރު ޚާން މުތާޤީ އިސްކޮށް ހުންނަވައިގެން ވަފުދެއް ދޯހާއަށް ފުރާފައިވާކަން ކަށަވަރުކޮށްދީފައެވެ.
“ޚާރިޖީ ވަޒީރު މަވްލާވީ އާމިރު ޚާން މުތާޤީ އިސްކޮށް ހުންނަވައިގެން އިސް ވަފުދެއް ދޯހާއަށް ފުރާވަޑައިގެންނެވީ މިއަދު މެންދުރުފަހު” ޚާރިޖިއްޔާގެ ތަރުޖަމާނު އަބްދުލް ޤަހާރު ބަލްޚީ ވިދާޅުވިއެވެ.
“މި ވަފުދުގައި އެޑިއުކޭޝަން، ހެލްތު، ފައިނޭންސް، ސެކިއުރިޓީ، އަދި އަފްޣާނިސްތާން ބޭންކް [އަފްޣާނިސްތާނުގެ މަރުކަޒީ ބޭންކް] ގެ މަންދޫބުން ހިމެނިވަޑައިގަންނަވާނެއެވެ.
