ކުޑަކުދިން ޝައިޠާނާގެ ކިބައިން ރައްކާތެރިކުރުމަށް ކުރަންވީ ކަންކަން

ކުޑަކުދިން ޝައިޠާނާގެ ކިބައިން ރައްކާތެރިކުރުމަށްޓަކައި:

1. އިރުއޮއްސޭ ގަޑީގައި އެ އަނދިރިކަން ދާންދެން (އިރުއޮއްސުމާއިއެކު ވެގަންނަ އަނދިރިކަން) ގެއިން ބޭރަށް ނުނެރުން.
2. އެކުދިން ރައްކާތެރިކުރުމަށްޓަކައި ވާރިދުވެފައިވާ ދުޢާތައް ކިޔުން. މިސާލަކަށް: أُعيذُكما بكلماتِ اللهِ التَّامَّةِ مِن كلِّ شيطانٍ وهامَّةٍ ومِن كلِّ عينٍ لامَّةٍ [ބުޚާރީ 337، ތިރްމިޛީ 2060، އަބޫ ދާއޫދު 4737]
3. ފާޚާނައަށް ވައްދާއިރު، ފާޚާނާއަަށް ވަނުމުގެ ކުރިން ކިޔާ ދުޢާ ކިޔުމަށްފަހު ވައްދާ. އެފަދަ ތަންތަނަކީ ޝައިޠާނާ އުޅޭ ތަންތަން.
4. ޝައިޠާނުން ޖަމާވެ އުޅޭ ތަންތަނާއި ކުއްޖާ ދުރުކުރައްވާ. މިސާލަކަށް: ބާޒާރުމަތި، ފާޚާނާ، ލަވަ މިޔުޒިކް ކިޔާ، ލަވަ މިޔުޒިކް ޖަހާ އުޅޭ ތަންތަން.
5. މަލާއިކަތުން ވަދެވަޑައިނުގަންނަވާ ގޮތަށް ނުވަތަ ޝައިޠާނީ ހާއްޔަކަށް ގޭތެރެ ނުހައްދަވާ. ފުރާނަލީ ތަކެތީގެ ސޫރަ ގޭގައި ނުބަހައްޓަވާ. މިޔުޒިކް ނުޖަހާ. ކީރިތި ޤުރްއާން ޚާއްޞަކޮށް ބަޤަރާ ސޫރަތް ކިޔެވޭ ގެއަކަށް ގެ ހައްދަވާ.
6. بسم الله ކިޔާފައި ކޮޓެރީގެ ނުވަތަ ގޭގެ ދޮރު ލައްޕަވާ. އޭރުން އެ ދޮރު ޝައިޠަނާއަކަށް ނުހުޅުވޭނެ. [ބުޚާރީ އަދި މުސްލިމް]

(ޝައިޚް މުޙައްމަދު ޝާފިއު)