ޚަބަރު
މުރުތައްދުވުމަކީ ޖިނާޢީ ކުށެއްގެ ގޮތުގައި ކަނޑައެޅުމަށް އަލްހާން ގޮވާލައިފި
މުރުތައްދުވުމަކީ ޖިނާޢީ ކުށެއްގެ ގޮތުގައި ކަނޑައެޅުމަށް އަލްހާން ފަހުމީ ގޮވާލައިފިއެވެ.
އަލްހާން މިއަދު ކުރި ޓްވީޓެއްގައި ބުނެފައިވަނީ އެ ކުށް ސާބިތުވެއްޖެނަމަ، ދީނަށް އެނބުރި ރުޖޫޢަވުމަށް ނަޞޭހަތްތެރިވެވުމުން އެކަމަށް އިންކާރުކޮށް މުރުތައްދުކަން މަތީ ދެމިހުރެއްޖެނަމަ މަރުގެ ޢަދަބު ކަނޑައަޅަން ޤާނޫނު ފާސްކުރުމަށް އަލްހާން ފަހުމީ ގޮވާލައިފިއެވެ.
އަލްހާން ފަހުމީ މިފަދައިން ގޮވާލައި މިވަނީ، ދީނަށް ފުރައްސާރަކޮށް ހަޖޫ ޖަހަމުންދާ ފަރާތްތަކަށް ޙިމާޔަތްލިބޭގޮތަށް ބިލެއް ތައްޔާރުކޮށް އެބިލް ފާސްކުރުމަށް ރައްޔިތުންގެ މަޖިލީހަށް ހުށަހަޅާފައިވާ ދަނޑިވަޅެއްގައެވެ.
ދީނީ ޙުކުމްތަކަށް ސީދާގޮތުންނާއި ނުސީދާގޮތުންވެސް ފާޑުކިޔުމަކީ މީހާގެ އިސްލާމުކަން ގެއްލި ދީނުން ބޭރުވެގެންދާނެކަމެއްކަމަށް ދީނީ ޢިލްމުވެރިން ވިދާޅުވެއެވެ.
