ރާއްޖެއިން އިތުުރ 107 މީހުން ކޮވިޑަށް ޕޮޒިޓިވް ވެއްޖެ

ރާއްޖެއިން އިތުރު 107 މީހުން ކޯވިޑް-19އަށް ޕޮޒިޓިވްވެ ބަލި ޖެހުނު މީހުންގެ ޢަދަދު 5679އަށް އިތުރުވެއްޖެއެވެ.

އެޗްޕީއޭއިން ވިދާޅުވީ މިރޭ އިރުއޮއްސި 6 ޖެހުމާހަމައަށް ވޭތުވެދިޔަ 24 ގަޑިއުރުގެ ތެރޭގައި ޕޮޒިޓިވްވި މީހުންގެ ތެރެއިން 104 މީހުން ޕޮޒިޓިވްވެފައިވަނީ މާލެ ސަރަހައްދުންނެވެ. އަދި އަތޮޅުތަކުން މިއަދު 3 މީހުން ޕޮޒިޓިވްވިއެވެ.

މިއަދު ޕޮޒިޓިވްވި 107 މީހުންގެ ތެރެއިން 73 މީހުންނަކީ ދިވެހިންނެވެ. އަދި ބަންގްލަދޭޝްގެ 29 މީހަކާއި އިންޑިއާއަށް ނިސްބަތްވާ 3 މީހެއްގެ އިތުރުން ސްރީލަންކާ މީހަކާއި ފިލިޕީންސް މީހަކުވެސް މިއަދު ޕޮޒިޓިވްވިކަމަށް އެޗްޕީއޭއިން ވިދާޅުވިއެވެ.

މިހާތަނަށް ޕޮޒިޓިވްވި މީހުންގެ ތެރެއިން 3139 މީހުންނަކީ ދިވެހިންނެވެ. އަދި ބަލިޖެހުނު ބިދޭސީންގެ ޢަދަދަކީ 2540އެވެ.