އާޖެންޓީނާ އާއި މެސީއާ ކުރިމަތިލާން ސައުދީ އަރަބިއްޔާ އޮތީ ތައްޔާރަށް

ރިޔާޟް – ސައުދީ އަރަބިއްޔާގެ ހަ ވަނަ ވޯލްޑް ކަޕް އަންގާރަ ދުވަހު ފަށާއިރު، މިއީ ފަހަރެއްގައި އެ ޓީމަށް ކުޅެންޖެހޭ އެންމެ އުނދަގޫ މެޗަށް ވެދާނެއެވެ.

މިއަހަރުގެ ވޯލްޑްކަޕްގެ ތަށި އުފުލާލާނެ ޓީމަކީ އާޖެންޓީނާކަމަށް ގިނަބަޔަކު ޤަބޫލުކުރާއިރު، އާޖެންޓީނާއާ ދެކޮޅަށް ކުޅޭ މެޗަކީ ތިން ޕޮއިންޓް ހޯދުމުގެ ފުރުސަތެއް ކަމަށް ގަބޫލުކުރާ މަދު ބަޔަކުތިބި އިރު ސައޫދީ ކޯޗް ހެރްވޭ ރެނާޑް އާއި އޭނާގެ ކުޅުންތެރިންނަށް މިއީ ވަރަށް ޕްރެޝަރ ބޮޑު މެޗަކަށް ވާނެކަން ޔަޤީނެވެ.  

ފާއިތުވި އަހަރުތަކުގައި ސައޫދީގެ ޓީމުން ކުޅެފައިވާ މެޗްތަކަށް ބަލާއިރު، ވޯލްޑް ކަޕް ފުރަތަމަ ކުޅުނު ފަސް މެޗުގެ ތެރެއިން ހަތަރު މެޗުން ސައުދީ އަރަބިއްޔާ ބަލިވެފައިވާއިރު، 2022 ވަނަ އަހަރުގެ ފެށުންވެސް ސައުދީއަށް މިދިމާވީ ވަރަށް ނަސީބު ދެރަކޮށް ކަމަށް ގިނަބަޔަކު ދެކެއެވެ.

އެކަމަކު މިއީ މިހާރު ތަފާތު ސައުދީ އަރަބިއްޔާއެއް، ހަމަ ޔަގީނުންވެސް ރަޝިޔާގައި ކުޅުނު ވޯލްޑްކަޕަށްފަހު ސައުދީ އަރަބިއްޔާއާ. ރެނާޑް ކޯޗުކަމާ ހަވާލުވެ ހުންނަތާ ތިން އަހަރަށް ވުރެ ގިނަ ދުވަސް ވެފައިވާއިރު، ބޮޑެތި ކުރިއެރުންތަކެއް ވަނީ އައިސްފަ އެވެ.

“މިހާރު ހީވަނީ އަހަރެމެން ދެމީހުން އެކަކު އަނެކަކު ދަންނަތާ އަހަރުތަކެއް ވެއްޖެހެން،” ފްރާންސްގެ ކުޅުންތެރިޔާ އަދި ކޯޗް ބުންޏެވެ. “މިހާރުމިވަނީ ގިނަކަންކަން ރަނގަޅު ކޮށްފައި، ގިނަ މެޗުތަކުން ސައޫދީ ބަލިވުމަކީ ޤަބޫލުކުރަން ފަސޭހަ ކަމަކަށް ގިނަބަޔަކަށްވިޔަސް  މިފަހަރުގެ މި އިމްތިހާނުތަކާ ކުރިމަތިލާން މިތިބީ ތައްޔާރަށް ، ނަފްސާނީ ގޮތުން ވެސް ކެތްތެރިވާން ޖެހޭނެ.” ކޯޗް ރެނާޑް އަލްއަރަބިނިއުސްއަށް މައުލޫމާތު ދެމުން ބުންޏެވެ.

ހުކުރު ދުވަހު އިކުއެޑޯ އަތުން 2-0 އިން ބަލިވެ ގަތަރުން ފެނުނު މާޔޫސް ކަމާއި، ހޯސްޓް ޓީމަށް މާބޮޑު ހިތްވަރެއް ނުދެއްކުނު ނަމަވެސް ސައުދީ އަރަބިއްޔާގެ މޮޅު ކޮލިފިކޭޝަން ކެމްޕޭނުން އެ ޓީމަށް ރަނގަޅު ދައުރެއް އަދާކުރެވިދާނެ ކަމަށް މިފަހަރު ބެލެވެ އެވެ.

ދިފާއީ ގޮތުން ސައުދީ އަރަބިއްޔާ ވަނީ ދުވަހެއް ދުވަހަކަށް ވަރުގަދަވެފަ އެވެ. ކޮލިފައިންގައި 18 މެޗުގައި 10 ގޯލް ޖެހިއިރު، އޭގެ ފަހުން އެކުވެރިކަމުގެ 10 މެޗުގައި ބެކްލައިން ފަޅާލާފައި ވަނީ އެންމެ ހަތަރު ފަހަރު އެވެ.

މިޑްފީލްޑަރުން ކަމަށްވާ އަބްދުލެލާ އަލް މަލްކީ އާއި މުހައްމަދު ކާނޯ އަށް ޖެހޭނީ ޓީމްގެ ފަހަތަށް އަންނަ ޕްރެޝަރ ކުޑަކޮށްދިނުމަށް މަސައްކަތްކޮށް ޑިފެންޑަރުންނަށް ވެސް އައުޓްލެޓެއް ހޯދައިދިނުމަށެވެ. ދިގު މުއްދަތަކަށް އަނިޔާވެ ސަސްޕެންޝަނަށް ފަހު އެނބުރި އަންނަ މި ދެތަރިން ފަހަކަށް އައިސް ކުޅުނު މެޗުތަކުގައި ރަނގަޅު ކުޅުމެއް ފެނިގެން ގޮސްފައިވެ އެވެ.

ގަތަރުގެ ފުރަތަމަ މެޗުން ލިބުނު ފިލާވަޅުތައް ފާހަގަ ނުކުރެވި ނުދާނެ އެވެ. މެރޫންސް އަށް ކިކްއޮފް އިން ފެށިގެން އޭރިއާ ތެރެއަށް ފޮނުވާލި ހުރަސްތަކާ ކުރިމަތިލާން ޖެހުނުއިރު، ނަސީބު ރަނގަޅުކަމުން ތިން ވަނަ މިނެޓުގައި ވީއޭއާރު އިން ވަނީ ގޯލެއް އޮފްސައިޑްކަމަށް ދައްކާފައެވެ.  

ގަތަރުން ވެސް ޓީމެއްގެ ގޮތުގައި ވެސް އަދި ވަކިވަކިން ވެސް އާދަޔާ ހިލާފަށް ޕޭސިވް ކޮށް، ހަޔާތުގައި ކުޅުނު އެންމެ ބޮޑު މެޗުގައި އިކުއެޑޯ އިން އިސްނަގައިގެން ޖިސްމާނީ ގޮތުންނާއި ޓެކްޓިކަލީ ވެސް ކުޅުން ކޮންޓްރޯލް ކުރުމުގެ ފުރުސަތު ލިބުނެވެ. އަދި އެއަށްފަހު ސާދު އަލްޝީބް ކުޅުނީ ދަށް ކުޅުމެކެވެ. ތިމާގެ ކީޕަރަށް އޭނާ ކުރި ގޮތަށް ގޯސްތަކެއް ހެދިއިރު ކުރެވޭނެ މާބޮޑު ކަމެއް ނެތް ނަމަވެސް ޓީމުގެ ހިތްވަރު އެހިސާބުން އެލުވާލުމަކީ ކޯޗް ފާހަގަކުރި ގޮތުގައި ބޮޑު މައްސަލައެކެވެ.

ކުރުކޮށް ބުނާނަމަ ގަތަރު ފްރީޒްވިއިރު ދެކުނު އެމެރިކާގެ ހަރުކަށި ކޮލިފިކޭޝަން ކެމްޕޭނެއްގެ ތެރެއިން އައިސް ޔޫރަޕްގެ ބޮޑެތި ލީގުތަކުގައި ކުޅުންތެރިން ތިބި އިކުއެޑޯއަށް އެކަން ނުކުރެވުނެވެ. ސައުދީ އަރަބިއްޔާއަށް އެމީހުންގެ އެކުވެރި އަރަބި ޓީމުން ދައްކާފައިވާ ނަމޫނާއަށް ތަބާވުމުގެ ގާބިލްކަން ނެތެވެ. ވޯލްޑް ކަޕް ފައިނަލްގެ ތަޖުރިބާ ލިބިފައިވާ އަދި އޭޝިއާގެ ޗެމްޕިއަންކަން ހޯދާފައިވާ ސަލްމާން އަލް ފަރާޖް، ސަލީމް އަލް ދައުސާރީ ފަދަ ކުޅުންތެރިންނަށް ޖެހެނީ ފިޔަވަޅު އަޅާށެވެ. އެއީ ތަޖުރިބާކާރު ބިގް ގޭމް ކުޅުންތެރިން ކަމަށާއި މިއަށްވުރެ ބޮޑު ކުޅުންތެރިންނެއް ނެތް ކަމަށެވެ.

އާޖެންޓީނާއަށް ތައާރަފެއް ބޭނުމެއް ނުވެއެވެ. މިއީ ލިއޮނަލް މެސީގެ އެންމެ ފަހު ވޯލްޑް ކަޕެކެވެ. އޭނާގެ ގައުމާއެކު އޭނާއަށް ލިބުނު ފުރަތަމަ ބޮޑު އިނާމު ކަމަށްވާ ކޮޕާ އެމެރިކާ އުފުލުމަކީ ވެސް ދުނިޔެއަށް ފެނުނު އެންމެ މޮޅު އެއް ކުޅުންތެރިޔާގެ މައްޗަށް އޮތް ބައެއް ޕްރެޝަރުތައް އުފުލިގެން ދިޔަ ކަމެކެވެ. އެޓޭކްގެ އަނެއް ފަރާތުގައި އެންޖެލް ޑި މާރިއާ ހުރުމުން ސައުދީގެ ޑިފެންސް އަށް ޙަޤީޤީ މަކަރާއި ހީލަތާއި ހަރަކާތްތެރިކަން ހުރިއިރު، ޒުވާންކަމާއި ތަޖުރިބާގެ ތަފާތު މިކްސްއެއް ވެސް އެބަހުއްޓެވެ. ދެކުނު އެމެރިކާގެ ކުޅުންތެރިންގެ ތެރޭގައި ހަގީގީ ކަންބޮޑުވުމެއް ނެތް ކަމަށާއި އެމީހުންނަށް ހީވަނީ ހަގީގީ ޓީމެއްހެންނެވެ. މި ގޮތުން އެންމެ ކުޑަމިނުން ސައުދީ އަރަބިއްޔާއަށް ދެ ފަހަރު މޮޅުވި ޓީމާ އެއްވަރަށް ވުރެ މާ ބޮޑު ކަމެއް ކުރެވޭނެ އެވެ.

ފުރަތަމަ މެޗުން ބޮޑުތަނުން ބަލިވުމަކީ މުބާރާތެއް ފެށުމުގެ ކުރިން ގާތްގަނޑަކަށް ނިންމާލެވޭނެ ކަމެކެވެ. 2018 ވަނަ އަހަރު އެ ކުރީކޮޅު ރަޝިޔާގައި އެ ޓީމުން މޮޅު ކުޅުމެއް ދެއްކިއިރު، އުރުގުއޭ އަތުން 1-0 އިން ބަލިވެ މިސްރު އަތުން މޮޅުވި ނަމަވެސް އެއީ ފުދޭވަރުގެ ކަމެއް ނޫނެވެ. މިފަހަރު ރަނގަޅު ފެށުމަކުން ރަނގަޅު ނަތީޖާއެއް ނެރެވިދާނެ އެވެ.

އާޖެންޓީނާ ބަލިކުރުމަށް ސައުދީ އަރަބިއްޔާއަށް އެއްވެސް ޕްރެޝަރެއް ނުވަތަ އެއްވަރުކުރުމުގެ އެއްވެސް ޕްރެޝަރެއް ނެތެވެ. ސަޕޯޓަރުން ވަރަށް އުފާވާނެ ވާދަވެރި މެޗެއް ފެނުމުން އެމީހުންގެ ޓީމުން ގޭމްގެ އެއް ޖަޔަންޓަށް ބައެއް މައްސަލަތައް ދީ، އަދި ފޭވަރިޓުންނަށް ފަސޭހަ މޮޅެއް ލިބޭނެ ކަމަށް އުންމީދުކުރާ ދުނިޔޭގެ އެތައް މިލިއަން ބަޔަކަށް އަލުން ވިސްނަން ޖެހޭ ސަބަބެވެ.

މަޤްޞަދަކީ ހިތާމައެއް ނެތި ފަހަތަށް ބަލާލެވޭނެ ގޮތް ހެދުމާއި ދެން ކޮންމެ ކަމެއް ވެސް ވެދާނެ ކަމެވެ.

“ފުޓްބޯޅައިގައި އެއްވެސް ލިމިޓެއް ނެތް،” ރެނާޑް ބުންޏެވެ. “އަމިއްލަ ނަސީބު ހަދައި، ދަނޑުގައި ހުރިހާ ކަމެއް ދޫކޮށްލާފައި، ގާބިލްކަން ހުރި މިންވަރަކުން ތައްޔާރުވެ، ގޯސްތައް ނައްތާލަން ޖެހޭނެ. މިހުރިހާ ކަމެއް ކުރާނަމަ ދެން ކީއްވެ ހުވަފެނެއް ނުދެކެންވީ؟” އިރާދަ ކުރެއްވިއްޔާ މިމެޗުން އަހަރެމެން މޮޅުވާނެއެވެ.